យោធាសហរដ្ឋអាមេរិក បានចេញសេចក្តីព្រមានជាផ្លូវការមួយដល់អ៊ីរ៉ង់ អំពីសមយុទ្ធកងទ័ពជើងទឹកបាញ់គ្រាប់ពិតដែលគ្រោងទុកនៅច្រកសមុទ្រ Hormuz ។
ការព្រមាននេះកើតឡើង ខណៈពេលដែលកងកម្លាំងរបស់អាមេរិក កំពុងធ្វើ «សមយុទ្ធត្រៀមខ្លួន» ដ៏សំខាន់នៅទូទាំងមជ្ឈិមបូព៌ាក្នុងពេលដំណាលគ្នាផងដែរ។
នៅក្នុងសេចក្តីថ្លែងការណ៍មួយដែលបានចេញផ្សាយ កាលពីថ្ងៃសុក្រ បញ្ជាការកណ្តាលសហរដ្ឋអាមេរិក (CENTCOM) បានជំរុញឱ្យកងទ័ពជើងទឹកនៃកងឆ្មាំបដិវត្តន៍អ៊ីស្លាមអ៊ីរ៉ង់ (IRGC) ធ្វើសមយុទ្ធរយៈពេល ២ ថ្ងៃ ដោយចាប់ផ្តើមនៅថ្ងៃអាទិត្យនេះ តាមរបៀបដែលមានសុវត្ថិភាព វិជ្ជាជីវៈ និងជៀសវាងហានិភ័យ។
យោងតាមរបាយការណ៍របស់ CENTCOM បានលើកឡើងថា យើងនឹងមិនអត់ឱនចំពោះសកម្មភាព IRGC ដែលបង្កគ្រោះថ្នាក់ ដូចជាការហោះហើរពីលើនាវាយោធាអាមេរិកដែលចូលរួមក្នុងប្រតិបត្តិការនេះ ក្នុងចេតនាមិនច្បាស់លាស់នោះទេ។
ការព្រមាននេះ កើតឡើងនៅពេលដែលសហរដ្ឋអាមេរិកខ្លួនឯងកំពុងធ្វើសមយុទ្ធយោធាទ្រង់ទ្រាយធំរយៈពេលច្រើនថ្ងៃនៅទូទាំងតំបន់នោះ។ កងកម្លាំងអាកាសអាមេរិកកណ្តាល (AFCENT) បានប្រកាសពី «សមយុទ្ធត្រៀមខ្លួន» នៅសប្តាហ៍នេះ។
សមយុទ្ធផ្លូវអាកាសទាំងនេះនឹងបំពេញបន្ថែមការគាំទ្រដល់ការកសាងកងកម្លាំងទ័ពជើងទឹក ដែលលោកប្រធានាធិបតី ដូណាល់ ត្រាំ ប្រកាសថាកំពុងធ្វើដំណើរឆ្ពោះទៅជិតអ៊ីរ៉ង់៕
ដោយ៖ ពេជ្រ
