ក្លឹបបាល់ទាត់ព្រះខ័នរាជស្វាយរៀង នៅតែមានឱកាសក្នុងការប្រជែងកៅអីវគ្គ៤ក្រុមពានរង្វាន់ ASEAN Club Championship Shopee Cup 2025/26 ទោះសង្ឃឹមតិចតួចក្ដី បន្ទាប់ពីក្លឹប Nan Dinh និងក្លឹប JOHOR សុទ្ធតែប្រកួតឈ្នះកាលពីយប់មិញ។
គិតត្រឹមពេលនេះក្លឹប Nan Dinh ទទួលបានកៅអីវគ្គ៤ក្រុមចុងក្រោយរួចហើយ ទោះបីជាសល់មួយប្រកួតទៀតក៏ដោយ ដោយឈរកំពូលតារាងពូល B ដោយមាន១២ពិន្ទុ ក្រោយឆ្លងកាត់៤ប្រកួត ខណៈក្រុម JOHOR ឈរលេខ២ មាន១០ពិន្ទុ។ ដូច្នេះឱកាសដែលក្លឹបព្រះខ័នរាជស្វាយរៀងនៅសល់គឺត្រូវការឈ្នះទាំង២ប្រកួតដែលនៅសល់ និងត្រូវរកគ្រាប់ឱ្យបានច្រើនគ្រាប់ ហើយតម្រូវឱ្យក្លឹប JOHOR ប្រកួតចាញ់ក្លឹប Nan Dinh 🇻🇳 ដោយរបូតគ្រាប់បាល់ច្រើន ទើបក្លឹបព្រះខ័នរាជស្វាយរៀង មានឱកាសឡើង។
សូមជម្រាបថា ២ប្រកួតរបស់ក្លឹបព្រះខ័នរាជស្វាយរៀង គឺត្រូវប៉ះក្រុម Bangkok United របស់ថៃ នៅរាជធានីភ្នំពេញ កាលពីយប់មិញ តែត្រូវបានលើកពេល ហើយការប្រកួតចុងក្រោយប៉ះម្ចាស់ផ្ទះក្លឹប Lion City នៅថ្ងៃទី 05/02/2026 ម៉ោង8:30យប់ កីឡដ្ឋាន Jalan Besar Stadium នៅប្រទេសសឹង្ហបុរី៕
