ប្រទេសចិន កាលពីម្សិលមិញបានប្រហារជីវិតអ្នកទោសឆបោកតាមអនឡាញ១១នាក់ ។ នេះបើយោងតាមាការចុះផ្សាយរបស់កាសែតចិនSOUTH CHINA MORNING POST។ កាសែតបញ្ជាក់ថា ជនដែលត្រូវប្រហារជីវិត គឺជាសមាជិកក្រុមម៉ាហ្វីយ៉ាចិនមួយនៃក្រុមឧក្រិដ្ឋត្រកូលមីញ ។ ទោសប្រហារជីវិតពួកគេត្រូវបានសម្រេចដោយតុលាការមួយនៃខេត្តហ្សេជាំង ។
តុលាការចិនបានវាយតម្លៃថា ជនជាប់ចោទទាំងនោះបានប្រព្រឹត្តឧក្រិដ្ឋកម្មធ្ងន់ធ្ងរ និងសាហាវនានា ដែលបង្កផលវិបាកធំយ៉ាងមហាសាល ។ អំពើរបស់ពួកគេមានច្បាស់លាស់ និងមានភស្ដុកតាងគ្រប់គ្រាន់ ។ ការកាត់ទោសប្រហារជីវិតពួកគេពិតជាសមសស្របតាមនីតិវិធីរបស់តុលាការ ។
គួររំលឹកថា ចាប់តាំងពីឆ្នាំ២០១៥ មក អង្គការឧក្រិដ្ឋមួយនេះមានសកម្មភាពខ្លាំងក្នុងតំបន់KOKANG មីយ៉ាន់ម៉ា ជាពិសេស នៅតំបន់LAUKKAI និងតំបន់CHINSHWEHAW ។
តុលាការអះអាងថា ក្រុមម៉ាហ្វីយ៉ានោះ គ្រប់គ្រងប្លុកអការជាច្រើនហើយក្រុមគេបានចំណាយប្រាក់សម្រាប់កិច្ចការពារ និងមានការជួយទ្រទ្រង់ខាងហិរញ្ញវត្ថុ សម្រាប់ថ្វើសកម្មភាពឆបោកតាមអនឡាញ និងបើកកាស៊ីណូខុសច្បាប់ក្នុងទំហំទឹកប្រាក់ជាង១០ពាន់លានយន់ប្រមាណជា១,២ពាន់លានអឹរ៉ូ ។
កាសែត SOUTH CHINA MORNING POSTបន្តទៀតថា កាន់តែអអាក្រក់ជាងនេះទៀត ក្នុងសកម្មភាពឧក្រិដ្ឋរបស់ខ្លួនត្រកូលមីញតែងប្រើប្រាស់អំពើហិង្សាជួនកាលសម្លាប់មនុស្សផង ហើយក្នុងក្របខណ្ឌនោះ ពួកអ្នកជាប់ចោទទាំងនេះបានទទួលស្គាល់ថា ពួកគេបានសម្លាប់មនុស្ស ធ្វើទារុណកម្ម វាយដំបង្ករបួសស្នាម នៅក្នុងបណ្ដាមជ្ឈមណ្ឌលឆបោកតាមអនឡាញ ៕
ដោយ៖ ពេជ្រ
