ចំនួនអ្នកស្លាប់ដោយសារភ្លៀងធ្លាក់ខ្លាំង និងទឹកជំនន់វាយប្រហារនៅតំបន់កណ្តាលប្រទេសវៀតណាម បានកើនឡើងដល់ ៩៨នាក់ ដោយ ១០នាក់ផ្សេងទៀតនៅតែបាត់ខ្លួន។ នេះបើយោងតាមរបាយការណ៍ពីអាជ្ញាធរគ្រប់គ្រងគ្រោះមហន្តរាយ និងទំនប់ទឹកវៀតណាម នៅថ្ងៃពុធនេះ។
យោងតាមរបាយការណ៍ បានឱ្យដឹងថា ផ្ទះជាង ២០០០ខ្នង រងការខូចខាត និង ៤២៦ ខ្នងផ្សេងទៀតដួលរលំទាំងស្រុង។
ទឹកជំនន់ បានជន់លិចស្រូវ និងដំណាំផ្សេងៗទៀតជាង ៥១.៨០០ ហិកតា និងសត្វបក្សី និងសត្វពាហនៈជាង ៩២០.៨០០ក្បាល ត្រូវបានសម្លាប់ និងហូរតាមទឹក។
អាជ្ញាធរ បានបញ្ជាក់ថា ទំហំនៃការខាតបង់សេដ្ឋកិច្ចត្រូវបានប៉ាន់ប្រមាណថាមានចំនួនជាង ១៤,៣ពាន់ពាន់លានដុងវៀតណាម (ប្រហែល ៥៧០ លានដុល្លារអាមេរិក) ៕
ដោយ៖ ពេជ្រ
