ការប្រកួតជម្រើសជើងឯកខេមបូឌានព្រីមៀរលីគ សប្តាហ៍ទី១៧ នាថ្ងៃសៅរ៍ ទី១១ ខែមករា ឆ្នាំ២០២៥នេះ គឺមាន២គូលើទីលានផ្សេងគ្នា ដោយក្នុងនោះក្រុមខ្លាំង ក្នុងតំបន់ TOP6 ខ្លាទឹកក្រូចអង្គរថាយហ្គឺរ ត្រូវបើកទ្វារកីឡដ្ឋានអាគីហ៊ីរ៉ូ កាតូ ទទួលក្រុមសេះមាស វិសាខា វេលាម៉ោង ៦:០០ ល្ងាច នាថ្ងៃសៅរ៍ ទី១១ ខែមករា ឆ្នាំ២០២៥។ ចំណែក១គូទៀត សមាគមកីឡាបាល់ទាត់ក្រសួងមហាផ្ទៃ ទទួលភ្ញៀវ ក្រុមកងយោធពលខេមរភូមិន្ទ វេលាម៉ោង៦:០០ ល្ងាច។
សូមជម្រាបថា គិតត្រឹមសប្ដាហ៍ទី១៦ ក្រុមសេះមាស វិសាខា ឈរលេខ៣ ក្នុងតារាង CPL ក្រោយឆ្លងកាត់១៥ប្រកួតមាន៣២ពិន្ទុ ខណៈក្រុមខ្លាទឹកក្រូចអង្គរថាយហ្គឺរ ឆ្លងកាត់១៤ប្រកួតមាន២៩ពិន្ទុ និងឈរលេខ៤៕
