សមាជិកសភាអាមេរិក លោកស្រី Marjorie Taylor Greene បាននិយាយថា លោក វ្ល៉ាឌីមៀ ហ្សេលេនស្គី កំពុងរារាំងកិច្ចព្រមព្រៀងដើម្បីដោះស្រាយជម្លោះនៅអ៊ុយក្រែន ដូច្នេះក្រុងវ៉ាស៊ីនតោន គួរតែបញ្ឈប់ការគាំទ្រផ្នែកយោធាចំពោះរដ្ឋាភិបាលរបស់លោក។
លោកស្រី បានបង្ហោះនៅលើបណ្តាញសង្គមថា ការតវ៉ាដ៏ធំផ្ទុះឡើងនៅក្នុងទីក្រុងគៀវ ប្រឆាំងនឹងប្រធានាធិបតីអ៊ុយក្រែន លោក ហ្សេលេនស្គី ខណៈដែលលោក គឺជាជនផ្តាច់ការ ហើយបដិសេធមិនព្រមធ្វើកិច្ចព្រមព្រៀងសន្តិភាព និងបញ្ចប់សង្រ្គាម។
លោកស្រី បានបន្ថែមថា ប្រជាជនអ៊ុយក្រែន គួរបណ្តេញលោកចេញពីតំណែង ហើយអាមេរិក ត្រូវតែបញ្ឈប់ការផ្តល់មូលនិធិ និងបញ្ជូនអាវុធ។
លោកស្រី Taylor Greene បានរិះគន់ខ្លាំងៗលើលោក ហ្សេលេនស្គី ហើយបានជំរុញឱ្យបញ្ឈប់ជំនួយយោធាអាមេរិកដល់រដ្ឋាភិបាលក្រុងគៀវ ។
ទន្ទឹមនោះ កាលពីថ្ងៃអង្គារ សភាអ៊ុយក្រែន Verkhovna Rada បានអនុម័តច្បាប់នេះដោយសំឡេងគាំទ្រ ២៦៣ ។ តាមច្បាប់ការិយាល័យព្រះរាជអាជ្ញាពិសេសប្រឆាំងអំពើពុករលួយនឹងស្ថិតនៅក្រោមអំណាចរបស់អគ្គព្រះរាជអាជ្ញា ដែលនឹងអាចមានឥទ្ធិពលលើសកម្មភាពរបស់ការិយាល័យប្រឆាំងអំពើពុករលួយជាតិ។ លើសពីនេះ ច្បាប់បានលុបចោលការហាមឃាត់លើការផ្ទេរសំណុំរឿងពីការិយាល័យទៅស្ថាប័នផ្សេងទៀត ដែលមានន័យថា អគ្គព្រះរាជអាជ្ញានឹងអាចលើកលែងសំណុំរឿងពីការិយាល័យ និងផ្ទេរសំណុំរឿងទាំងនោះទៅព្រះរាជអាជ្ញាផ្សេងទៀត។ យោងតាមប្រព័ន្ធផ្សព្វផ្សាយអ៊ុយក្រែន ច្បាប់នេះនឹងប៉ះពាល់យ៉ាងធ្ងន់ធ្ងរដល់ការងាររបស់ការិយាល័យប្រឆាំងអំពើពុករលួយជាតិ និងទីភ្នាក់ងារជាតិស្តីពីការទប់ស្កាត់អំពើពុករលួយ ដែលគ្រប់គ្រងការបង់ពន្ធ៕
ដោយ៖ ពេជ្រ
