តុលាការយុត្តិធម៌អន្តរជាតិ (ICJ) បានអះអាងថា អ៊ីស្រាអែល មានកាតព្វកិច្ចផ្លូវច្បាប់ក្នុងការសម្របសម្រួលការផ្តល់ជំនួយមនុស្សធម៌ទៅកាន់តំបន់ហ្គាហ្សាស្ទ្រីប ដោយអង្គការសហប្រជាជាតិ និងអង្គភាពដទៃទៀត ដើម្បីធានាបាននូវតម្រូវការជាមូលដ្ឋានរបស់ជនស៊ីវិលប៉ាឡេស្ទីននៅទីនោះ។
អ៊ីស្រាអែល បានច្រានចោលការយល់ឃើញរបស់ ICJ ថាជានយោបាយ ហើយទទូចថាខ្លួននឹងមិនសហការជាមួយ Unrwa ដែលខ្លួនសង្ស័យនោះទេ។
ទោះជាយ៉ាងណា តុលាការកំពូលរបស់អង្គការសហប្រជាជាតិ បានបញ្ជាក់ថា អ៊ីស្រាអែល មិនបញ្ជាក់ពីការចោទប្រកាន់របស់ខ្លួនដែលថាទីភ្នាក់ងារអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន (Unrwa) ខ្វះអព្យាក្រឹតភាព ឬថាបុគ្គលិករបស់ខ្លួនមួយចំនួនធំជាសមាជិកនៃក្រុមហាម៉ាស ឬក្រុមប្រដាប់អាវុធផ្សេងទៀតឡើយ។
ទន្ទឹមនោះ ប្រធានអង្គការសហប្រជាជាតិ បាននិយាយថា លោកសង្ឃឹមថាអ៊ីស្រាអែល នឹងគោរពតាមការសម្រេចចិត្តដ៏សំខាន់បំផុតមួយនេះ។
គួរបញ្ជាក់ថា បច្ចុប្បន្នអ៊ីស្រាអែល និងក្រុមហាម៉ាស បានយល់ព្រមលើបទឈប់បាញ់គ្នា និងដោះលែងចំណាប់ខ្មាំង យ៉ាងមានប្រសិទ្ធភាព៕
ដោយ៖ពេជ្រ
