ប្រធានាធិបតីអាមេរិក លោក ដូណាល់ ត្រាំ បានគំរាមថា ទីក្រុងវ៉ាស៊ីនតោន នឹងដាក់ទណ្ឌកម្មថ្មីលើរុស្ស៊ី ប្រសិនបើបរាជ័យក្នុងការឈានទៅដល់ការដោះស្រាយសន្តិភាពជាមួយអ៊ុយក្រែន។ ការថ្លែងរបស់លោកបានធ្វើឡើងភ្លាមៗបន្ទាប់ពីប្រទេសទាំងពីរបានធ្វើការចរចាផ្ទាល់ជាលើកដំបូងនៅទួរគីចាប់តាំងពីឆ្នាំ ២០២២។
នៅក្នុងបទសម្ភាសន៍មួយដែលត្រូវបានចាក់ផ្សាយកាលពីថ្ងៃសុក្រ អ្នកសារព័ត៌មាន Fox News លោក Bret Baier បានសួរលោក Trump ថាតើគាត់នឹងណែនាំការរឹតបន្តឹងថ្មីលើទីក្រុងម៉ូស្គូដែរឬទេ។ លោកប្រធានាធិបតីបានឆ្លើយថា “និយាយដោយស្មោះត្រង់ ខ្ញុំនឹងធ្វើប្រសិនបើយើងមិនទទួលបាននូវកិច្ចព្រមព្រៀងមួយនោះទេ”។ លោកបន្តថា “គ្មាននរណាម្នាក់ប្រើឥទ្ធិពលល្អជាងខ្ញុំនោះទេ”។
លោក Trump បានបន្ថែមថា សហរដ្ឋអាមេរិកនឹងវាយតម្លៃលទ្ធផលនៃកិច្ចចរចារុស្ស៊ី-អ៊ុយក្រែននៅថ្ងៃសុក្រនៅទីក្រុងអ៊ីស្តង់ប៊ុល ហើយយើងនឹងមើលឃើញថាមានអ្វីកើតឡើង ហើយវានឹងត្រូវបានបំផ្លាញសម្រាប់ប្រទេសរុស្ស៊ីព្រោះពួកគេកំពុងជួបការលំបាកជាមួយនឹងសេដ្ឋកិច្ចស្រាប់។
លោកក៏បានអះអាងផងដែរថា ផែនការរបស់គាត់ក្នុងការជំរុញផលិតកម្មប្រេងក្នុងស្រុកនឹងធ្វើឱ្យតម្លៃពិភពលោកធ្លាក់ចុះ ដោយធ្វើឱ្យខូចដល់ការនាំចេញថាមពលរបស់រុស្ស៊ី។
លោក Trump បានអះអាងថា ប្រធានាធិបតីរុស្ស៊ី លោក វ្ល៉ាឌីមៀ ពូទីន កំពុងតែនឿយហត់ពីជម្លោះនេះ។ យ៉ាងណាក៏ដោយលោក Trump បញ្ជាក់ថា លោកនឹងកំណត់ពេលជួបជាមួយ ពូ ទីន នៅពេលអនាគតឆាប់ៗនេះ ខណខ្ញុំកំពុងមានទំនាក់ទំនងល្អជាមួយពូទីន។ លោកថា ជំនួបនោះយើងនឹងធ្វើកិច្ចព្រមព្រៀងមួយ ហើយយើងត្រូវតែរួមគ្នាបញ្ចប់សង្រ្គាម។
ខណៈដែលលោក Trump បាននិងកំពុងព្យាយាមជួញដូរកិច្ចព្រមព្រៀងរវាងរុស្ស៊ី និងអ៊ុយក្រែន សមាជិកព្រឹទ្ធសភាអាមេរិកមួយក្រុមដែលដឹកនាំដោយលោក Lindsey Graham បានធ្វើសេចក្តីព្រាងច្បាប់មួយដើម្បីដាក់ទណ្ឌកម្មលើទីក្រុងមូស្គូ និងការយកពន្ធលើប្រទេសដែលទិញប្រេង ឧស្ម័ន និងអ៊ុយរ៉ាញ៉ូមរបស់រុស្ស៊ីផងដែរ។
ប្រធានក្រុមចរចារបស់រុស្ស៊ីនៅទីក្រុងអ៊ីស្តង់ប៊ុល លោក Vladimir Medinsky បាននិយាយថា ភាគីទាំងពីរបានយល់ព្រមលើការផ្លាស់ប្តូរអ្នកទោសចំនួន ១.០០០ នាក់ ខណការផ្លាស់ប្តូរអ្នកទោសនោះជាការបង្កើតនូវចក្ខុវិស័យនៃបទឈប់បាញ់នាពេលអនាគតដែលអាចកើតមាន៕
