ប្រជាជនប៉ាគីស្ថាន ស្ទើរតែទាំងអស់ដែលត្រូវបានតម្រូវឱ្យចាកចេញពីប្រទេសឥណ្ឌា បន្ទាប់ពីការសម្រេចចិត្តរបស់ទីក្រុងញូវដែលីដើម្បីលុបចោលទិដ្ឋាការ បន្ទាប់ពីការវាយប្រហារភេរវកម្មនៅ Jammu និង Kashmir ។ កាសែតហិណ្ឌូបានរាយការណ៍ដោយដកស្រង់ទិន្នន័យពីក្រសួងមហាផ្ទៃឥណ្ឌាថា។
យោងតាមរបាយការណ៍កាសែតហិណ្ឌូ បានរាយការណ៍ថា ចាប់តាំងពីថ្ងៃទី ២៤ ខែមេសា ពលរដ្ឋប៉ាគីស្ថានចំនួន ៥៣៧នាក់ចាកចេញពីប្រទេសឥណ្ឌា តាមច្រក Attari ក្នុងរដ្ឋ Punjab ។
ទន្ទឹមនោះ អាជ្ញាធរអន្តោប្រវេសន៍ឥណ្ឌា បន្តផ្ទៀងផ្ទាត់ការអនុលោមតាមបទបញ្ជារបស់រដ្ឋាភិបាល បន្ទាប់ពីកាលបរិច្ឆេទផុតកំណត់ថ្ងៃទី ២៧ ខែមេសា សម្រាប់ជនជាតិប៉ាគីស្ថាន។
នៅថ្ងៃទី ២៤ ខែមេសា ក្រសួងការបរទេសឥណ្ឌា បានប្រកាសថាខ្លួនកំពុងផ្អាកការផ្តល់ទិដ្ឋាការដល់ជនជាតិប៉ាគីស្ថាន និងលុបចោលទិដ្ឋាការដែលផ្តល់ពីមុន ចាប់ពីថ្ងៃទី ២៧ ខែមេសា។ ទិដ្ឋាការវេជ្ជសាស្រ្តដែលចេញឱ្យពលរដ្ឋប៉ាគីស្ថាននៅតែមានសុពលភាពរហូតដល់ថ្ងៃទី ២៩ ខែមេសា។ ការសម្រេចចិត្តនេះមិនអនុវត្តចំពោះពលរដ្ឋប៉ាគីស្ថានហិណ្ឌូដែលកំពុងស្នាក់នៅប្រទេសឥណ្ឌាក្នុងទិដ្ឋាការរយៈពេលវែងនោះទេ។
គួរបញ្ជាក់ថា ក្រុងញូវដែលី បានដាក់វិធានការទាំងនេះ បន្ទាប់ពីការវាយប្រហារភេរវកម្មនៅក្នុងទឹកដីសហភាពនៃ Jammu និង Kashmir សម្លាប់មនុស្ស ២៦នាក់។ អាជ្ញាធរឥណ្ឌា បានរកឃើញថា សេវាចារកម្មប៉ាគីស្ថានមានជាប់ពាក់ព័ន្ធនឹងការវាយប្រហារនេះ ៕
ដោយ៖ ពេជ្រ
