រដ្ឋមន្ត្រីការបរទេសអាល្លឺម៉ង់ លោក Johann Wadephul បាននិយាយថា យើងនឹងឃើញកាន់តែច្បាស់ពីអនាគតរបស់អ៊ុយក្រែន នារដូវរងាខាងមុខនេះ។
អ្នកការទូតជាន់ខ្ពស់របស់អាល្លឺម៉ង់រូបនេះ បានលើកឡើងក្នុងអំឡុងពេលទស្សនកិច្ចនៅទីក្រុងព្រុចសែលថា រដូវរងាឆ្នាំនេះនឹងបង្ហាញពីជោគវាសនាទីក្រុងគៀវ។
លោក បានសន្និដ្ឋានថា អ៊ុយក្រែន នឹងបាត់បង់សមត្ថភាពក្នុងការការពារខ្លួនដោយគ្មានជំនួយបន្ថែមពីលោកខាងលិច។
យោងតាមលោក អះអាងថា អាល្លឺម៉ង់ មានការទទួលខុសត្រូវពិសេសក្នុងរឿងនេះ។ លោក Wadephul បានសង្កត់ធ្ងន់ថា ទីក្រុងប៊ែរឡាំង ត្រៀមខ្លួនជាស្រេចដើម្បីគាំទ្រទីក្រុងគៀវ។
កាលពីខែមុន លោក បានអំពាវនាវឱ្យបណ្តាប្រទេសនៅអឺរ៉ុបពិចារណាបញ្ជូនប្រព័ន្ធការពារដែនអាកាសទៅកាន់អ៊ុយក្រែន។ អាល្លឺម៉ង់ នៅតែជាអ្នកផ្គត់ផ្គង់ជំនួយយោធាធំជាងគេទីពីរដល់អ៊ុយក្រែន បន្ទាប់ពីអាមេរិក៕
ដោយ៖ ពេជ្រ
