អ្នកការទូតមកពីសហរដ្ឋអាមេរិក និងអ៊ុយក្រែនកំពុងព្យាយាមជួសជុលរបងទ្បើងវិញ មួយសប្តាហ៍បន្ទាប់ពីប្រធានាធិបតីអាមេរិក Donald Trump បានផ្ទុះការពិភាក្សាដ៏ក្តៅគគុកជាមួយសមភាគីអ៊ុយក្រែនលោក Volodymyr Zelenskyy ។ បេសកជនពិសេសរបស់សហរដ្ឋអាមេរិកប្រចាំតំបន់មជ្ឈិមបូព៌ា លោក Steve Witkoff បាននិយាយថា លោកកំពុងស្ថិតក្នុងការពិភាក្សា ដើម្បីបន្តកិច្ចចរចាឡើងវិញនៅសប្តាហ៍ក្រោយ ហើយថា ពួកគេនឹងធ្វើឡើងនៅក្នុងប្រទេសអារ៉ាប៊ីសាអូឌីត។
ថ្លែងទៅកាន់អ្នកសារព័ត៌មានកាលពីថ្ងៃព្រហស្បតិ៍ លោក Witkoff បាននិយាយថា ប្រធានាធិបតីលោក Zelenskyy បានផ្ញើលិខិតមួយទៅកាន់ប្រធានាធិបតី Trump ខណដែលលោក Trump គិតថា នោះគឺជាជំហានដំបូងដ៏ល្អ និងវិជ្ជមាន។ លោកបានបន្ថែមថា គោលដៅនៃការចរចាគឺដើម្បីដាក់មូលដ្ឋានគ្រឹះទាំងបទឈប់បាញ់ជាមួយរុស្ស៊ី និងកិច្ចព្រមព្រៀងសន្តិភាព។
ប្រព័ន្ធផ្សព្វផ្សាយអាមេរិកបាននិយាយថា រដ្ឋមន្ត្រីការបរទេសអាមេរិកលោក Marco Rubio និងទីប្រឹក្សាសន្តិសុខជាតិលោក Mike Waltz ក៏អាចចូលរួមក្នុងការពិភាក្សាផងដែរ។ ប្រធានការិយាល័យបុគ្គលិករបស់លោក Zelenskyy លោក Andriy Yermak នឹងចូលរួមកិច្ចពិភាក្សាផងដែរ។
លោក Zelenskyy បានសរសេរនៅលើប្រព័ន្ធផ្សព្វផ្សាយសង្គមកាលពីថ្ងៃព្រហស្បតិ៍ថាលោកនឹងធ្វើដំណើរទៅកាន់ប្រទេសអារ៉ាប៊ីសាអូឌីតនៅថ្ងៃច័ន្ទដើម្បីជួបជាមួយព្រះអង្គម្ចាស់នៃប្រទេសអារ៉ាប់ប៊ីសាអូឌីត។ លោកថាក្រុមរបស់លោកនឹងបន្តធ្វើការជាមួយគណៈប្រតិភូសហរដ្ឋអាមេរិក ហើយថាពួកគេ បានចាប់អារម្មណ៍លើសន្តិភាព។
រដ្ឋបាល Trump បានផ្អាកជំនួយយោធាដល់អ៊ុយក្រែនបន្ទាប់ពីការបំផ្ទុះជាមួយ Zelenskyy ។ បន្ថែមពីលើចំណាត់ការនោះ ប្រធាន CIA បាននិយាយថា ក្រុមមន្ត្រីលែងចែករំលែកព័ត៌មានសម្ងាត់សំខាន់ៗជាមួយមេដឹកនាំក្នុងទីក្រុង Kyiv ទៀតហើយ៕
ដោយ៖ ពេជ្រ
