ប្រេសិតពិសេសលោក Keith Kellogg បាននិយាយថា ប្រធានាធិបតីអាមេរិក Donald Trump គ្រោងនឹងកំណត់ទំនាក់ទំនងឡើងវិញរវាងអាមេរិក និងរុស្ស៊ីនិងដកខ្លួនចេញពី “សង្គ្រាមប្រូកស៊ីគ្មានទីបញ្ចប់” នៅអ៊ុយក្រែន។
នៅក្នុងសុន្ទរកថានៅឯក្រុមប្រឹក្សាទំនាក់ទំនងបរទេសកាលពីថ្ងៃព្រហស្បតិ៍ លោក Kellog បានអះអាងថា តម្រូវការក្នុងការកំណត់ទំនាក់ទំនងឡើងវិញជាមួយរុស្ស៊ី ដើម្បីទទួលបានផលប្រយោជន៍ជាតិសំខាន់ៗរបស់ជនជាតិអាមេរិក និងចុងក្រោយដើម្បីបញ្ឈប់ការជាប់ពាក់ព័ន្ធរបស់សហរដ្ឋអាមេរិកនៅក្នុងសង្គ្រាមប្រូកស៊ីគ្មានទីបញ្ចប់។លោកថា នេះជាការកំណត់វិធីសាស្រ្តរបស់លោក Trump ។ បេសកជនរូបនេះបានបន្ថែមថា នយោបាយបង្កភាពឯកោបន្តទៀតរបស់រុស្ស៊ី លែងជាយុទ្ធសាស្ត្រដែលអាចសម្រេចបាន ឬជាយុទ្ធសាស្ត្រប្រកបដោយនិរន្តរភាព ហើយវាក៏មិនមែនជាវិធីសាស្រ្តទទួលខុសត្រូវខាងការទូតរបស់អាមេរិកនោះទេ។
ផ្ទុយទៅវិញ លោក Kellog បាននិយាយថា លោក Trump នឹងប្រើ ដំបង និងការ៉ុតទាំងសងខាង ដើម្បីនាំទីក្រុង Kiev និង Moscow ទៅកាន់តុចរចា។ តាមការឲ្យដឹងរបស់លោក Kellog រដ្ឋបាលលោកTrump នឹងខិតខំអនុវត្តអានុភាពសំខាន់ៗ ដូចជាការរឹបអូសយកទ្រព្យសម្បត្តិអធិបតេយ្យភាពរបស់រុស្ស៊ីដែលបង្កក ដើម្បីបង្កើត និងស្ដារអ៊ុយក្រែនឡើងវិញជាដើម។
លោក Trump បានបញ្ឈប់លំហូរនៃជំនួយយោធាអាមេរិករាប់ពាន់លានដុល្លារទៅកាន់អ៊ុយក្រែនក្នុងសប្តាហ៍នេះ ក្នុងការប៉ុនប៉ងបង្ខំទីក្រុង Kiev ឱ្យផ្លាស់ប្តូរជំហររបស់ខ្លួនក្នុងការចរចា។
បន្ទាប់ពីកិច្ចប្រជុំដ៏មហន្តរាយនៅទីក្រុងវ៉ាស៊ីនតោនជាមួយ Zelensky កាលពីសប្តាហ៍មុនលោក Trump បានចោទប្រកាន់មេដឹកនាំអ៊ុយក្រែនពីការប៉ុនប៉ងដើម្បីទទួលបានការគាំទ្រពីសហរដ្ឋអាមេរិកសម្រាប់ជម្លោះអូសបន្លាយជាមួយរុស្ស៊ីជាជាងការស្វែងរកសន្តិភាព។ រដ្ឋមន្ត្រីការបរទេសអាមេរិកលោក Marco Rubio បានអះអាងកាលពីថ្ងៃពុធថា Zelensky បាននឹងកំពុង “បំផ្លិចបំផ្លាញ និងបំផ្លាញ” កិច្ចខិតខំប្រឹងប្រែងរបស់វ៉ាស៊ីនតោន។ អ្នកការទូតកំពូលបាននិយាយថា វាជាសង្រ្គាមប្រូកស៊ីរវាងមហាអំណាចនុយក្លេអ៊ែរ – សហរដ្ឋអាមេរិក និងរុស្ស៊ី ហើយវាត្រូវតែឈានដល់ទីបញ្ចប់។
ទំនាក់ទំនងរវាងរុស្ស៊ីនិងអាមេរិកកំពុងឡើងកម្តៅ។ កិច្ចពិភាក្សាកម្រិតខ្ពស់នៅទីក្រុងរីយ៉ាដកាលពីខែមុនបានកត់សម្គាល់ពីការចូលរួមការទូតលើកដំបូងរបស់ប្រទេសមហាអំណាចចាប់តាំងពីទីក្រុងវ៉ាស៊ីនតោនបានផ្តាច់ទំនាក់ទំនងនៅឆ្នាំ ២០២២ បន្ទាប់ពីការកើនឡើងនៃជម្លោះអ៊ុយក្រែន។
គួររំលឹកថា ក្នុងឆ្នាំ ២០០៩ រដ្ឋមន្ត្រីការបរទេសអាមេរិកនៅពេលនោះ ហ៊ីលឡារី គ្លីនតុន ក៏បានព្យាយាមកំណត់ទំនាក់ទំនងអាមេរិក និងរុស្ស៊ីឡើងវិញផងដែរ ប៉ុន្តែត្រូវបរាជ័យដោយសារតែទីក្រុងវ៉ាស៊ីនតោនប្រើប្រាស់ពាក្យសំដីហួសហេតុពេកលើរុស្ស៊ី សំខាន់នៅលើប៊ូតុងពណ៌ក្រហមជានិមិត្តរូប ដែលលោកស្រីបានបង្ហាញជូនរដ្ឋមន្ត្រីការបរទេសរុស្ស៊ី លោក Sergey Lavrov កាលពីពេលនោះ៕
ដោយ៖ ពេជ្រ
