គ្រូបង្វឹកក្រុម Manchester City លោក Pep Guardiola ត្រូវបានគេរាយការណ៍ថាបានត្រៀមខ្លួនរួចជាស្រេចក្នុងការដេញថ្លៃជាមួយតម្លៃ១៥០លានអឺរ៉ូសម្រាប់តារាឆ្នើមប្រចាំទ្វីបអឺរ៉ុបដែលអាចជំនួសតំណែង Kevin de Bruyne ។
ចាប់តាំងពីផ្ទេរពីក្លឹបអាល្លឺម៉ង់ Wolfsburg នៅរដូវក្តៅឆ្នាំ ២០១៥ De Bruyne បានបង្កើតខ្លួនឯងក្លាយជាខ្សែបម្រើដ៏ល្អបំផុតម្នាក់នៅ Premier League ។ កីឡាករសញ្ជាតិបែលហ្ស៊ិករូបនេះបានជួយឲ្យ Man City ឈ្នះពានរង្វាន់ Premier League ចំនួន៦, Champions League និង Club World Cup ១ដង។
ទោះជាយ៉ាងណាក៏ដោយ De Bruyne នៅសល់កុងត្រាតែ៤ខែទៀតប៉ុណ្ណោះនាពេលបច្ចុប្បន្នជាមួយ Man City ហើយលោក Guardiola កំពុងពិចារណាថាតើអ្នកណាអាចជំនួសកន្លែងរបស់ De Bruyne ក្នុងក្រុម បន្ទាប់ពីមានដំណនឹងថា កីឡាករវ័យ៣៣ឆ្នាំរូបមានបំណងចង់ចាកចេញពីអង់គ្លេស។
យោងតាមសារព័ត៌មាន Sport Bild បានបង្ហើបថា គ្រូបង្វឹករបស់ Man City កំពុងចាប់អារម្មណ៍យ៉ាងខ្លាំងលើកីឡាករវ័យ ២១ ឆ្នាំ Florian Wirtz ជាអ្នកជំនួសតំណែងដ៏ល្អឥតខ្ចោះសម្រាប់ De Bruyne រយៈពេលវែងសម្រាប់ក្រុម៕
