ប្រធានាធិបតីអាមេរិក លោក Donald Trump បាននិយាយថា លោក នឹងធ្វើកិច្ចចរចាជាមួយនាយករដ្ឋមន្ត្រីកាណាដា លោក Justin Trudeau និងប្រធានាធិបតីម៉ិកស៊ិកលោក Claudia Sheinbaum នៅថ្ងៃទី ៣ ខែកុម្ភៈ នេះ។
លោក Trump បានលើកឡើងថា ខ្ញុំចង់ពិភាក្សាជាមួយប្រទេសកាណាដា និងប្រទេសម៉ិកស៊ិក ។ ថ្ងៃនេះ ខ្ញុំនិយាយជាមួយលោកនាយករដ្ឋមន្រ្តី Trudeau ហើយនឹងបន្តចរចាជាមួយម៉ិកស៊ិក នៅព្រឹកថ្ងៃស្អែក ជុំវិញរឿងដាក់ពន្ធលើពួកគេ ។
កាលពីថ្ងៃសៅរ៍ ប្រធានាធិបតីអាមេរិក លោក Donald Trump បានចុះហត្ថលេខាលើបទបញ្ជាប្រតិបត្តិ ដោយអនុវត្តពន្ធលើទំនិញពីប្រទេសកាណាដា ចិន និងម៉ិកស៊ិក។
ឯកសារនេះចែងថា ពន្ធ ២៥ ភាគរយ ត្រូវបានដាក់លើការនាំចូលពីម៉ិកស៊ិក និងកាណាដា ( ១០ ភាគរយ លើផលិតផលថាមពលកាណាដា)។ ពន្ធបន្ថែម ១០ ភាគរយ ត្រូវបានដាក់លើទំនិញចិន។
យោងតាមលោក Trump កិច្ចខិតខំប្រឹងប្រែងនេះត្រូវបានធ្វើឡើង ដោយសារតែការគំរាមកំហែងមិនធម្មតាដែលបង្កឡើងដោយជនបរទេសខុសច្បាប់ និងគ្រឿងញៀន រួមទាំងថ្នាំ fentanyl ដែលសម្លាប់ពលរដ្ឋអាមេរិក។
ជាការឆ្លើយតប អាជ្ញាធរកាណាដា បានដាក់កាតព្វកិច្ចសងសឹកចំនួន ២៥ ភាគរយ លើទំនិញអាមេរិកដែលមានតម្លៃសរុប ១៥៥ ពាន់លានដុល្លាកាណាដា (១០៦.៥ ពាន់លានដុល្លារ) ។
លោកនាយករដ្ឋមន្ត្រី Justin Trudeau បាននិយាយថា ទីក្រុង Ottawa ក៏កំពុងពិចារណាលើវិធានការសងសឹកដែលមិនមែនជាពន្ធគយប្រឆាំងនឹងសហរដ្ឋអាមេរិក ទាក់ទងនឹងរ៉ែ និងថាមពលសំខាន់ៗ ផងដែរ៕
ដោយ៖ ពេជ្រ
