យោងតាមការចុះផ្សាយរបស់ផេកកីឡា Cam-Sport Official បានឲ្យដឹងថា កីឡាករ ចាន់ វឌ្ឍនាកា និងត្រូវត្រឡប់មកកាន់ទីលានប្រកួតផ្លូវការវិញឱ្យក្លឹបបឹងកេត ក្នុងការប្រកួតពានរង្វាន់សម្ដេច ហ៊ុន សែន ថ្នាក់ជាតិ ដោយត្រូវប៉ះក្លឹបឡាយអ៊ិនឃីង ថ្ងៃទី២១ ខែមករា ឆ្នាំ២០២៦ វេលាម៉ោង៣:៣០រសៀល កីឡដ្ឋាន Akihiro Kato ខេត្តសៀមរាប។ ស្របពេល ផុសស្ទ័រការប្រកួតរបស់ក្លិបបឹងកេតក៏បានដាក់រូបកីឡាករ ចាន់ វឌ្ឍនាកា ផងដែរ។
សូមជម្រាបថា កីឡាករ ចាន់ វឌ្ឍនាកា បានចំណាយពេលសម្រាកព្យាបាលរបួស ACL ជង្គង់ខាងឆ្វេងអស់រយៈពេល១ឆ្នាំ ហើយ ដោយសព្វថ្ងៃនេះគាត់មានអាយុ៣១ឆ្នាំ៕
