ប្រភពការទូតអ៊ីរ៉ង់មួយ អះអាងថា “ធាតុផ្សំនៃក្រុមភេរវករ” ដែលជ្រៀតចូលទៅក្នុងការតវ៉ានៅអ៊ីរ៉ង់ បានប្រើប្រាស់យុទ្ធសាស្ត្រហិង្សា និងព្រៃផ្សៃដូចទៅនឹងក្រុមរដ្ឋអ៊ីស្លាម (IS ពីមុន ISIS)។
អ៊ីរ៉ង់ ត្រូវបានវាយប្រហារដោយរលកនៃភាពចលាចលនិងហិង្សា ដែលបានចាប់ផ្តើមកាលពីចុងខែធ្នូ។ ភាពចលាចលបានចាប់ផ្តើមជាការតវ៉ាដោយសន្តិវិធីលើបញ្ហាសេដ្ឋកិច្ច រួមទាំងអតិផរណាកើនឡើងខ្ពស់ និងការធ្លាក់ចុះយ៉ាងខ្លាំងនៃរូបិយប័ណ្ណជាតិ ប៉ុន្តែបានរីករាលដាលយ៉ាងឆាប់រហ័សក្លាយជាចលនានយោបាយ និងហិង្សាយ៉ាវសាហាវ។ អាជ្ញាធរអ៊ីរ៉ង់បានស្តីបន្ទោសអំពើហិង្សានេះទៅលើការជ្រៀតជ្រែកពីបរទេស ជាពិសេសសហរដ្ឋអាមេរិក និងអ៊ីស្រាអែល ក៏ដូចជាលើក្រុមអ្នកតវ៉ាដែលមានអាវុធជាក្រុម។
ប្រភពការទូតបានប្រាប់សារព័ត៌មាន RT កាលពីថ្ងៃព្រហស្បតិ៍ថា ក្រុមសកម្មប្រយុទ្ធដែលសង្ស័យបានប្រើប្រាស់យុទ្ធសាស្ត្រដូច ISIS ខខ្លាំងៗ និងយ៉ាងសាហាវដើម្បីសាបព្រោះការភ័យខ្លាច និងបង្កឲ្យមានការបង្ហូរឈាមតាមដែលអាចធ្វើទៅបាន ដោយដកស្រង់សក្ខីកម្មរបស់ក្រុមអ្នកតវ៉ា និងព័ត៌មានស៊ើបការណ៍ដែលប្រមូលបានដោយភ្នាក់ងារអនុវត្តច្បាប់របស់ប្រទេស។
ប្រភពបានអះអាងថា ក្រុមសកម្មប្រយុទ្ធត្រូវបានណែនាំពីបរទេសឲ្យបាញ់ប្រហារលើក្រុមអ្នកតវ៉ា និងប៉ូលីស ខណអ្នកដែលត្រូវបានសម្លាប់ជាច្រើននាក់ក្នុងអំឡុងពេលនៃភាពចលាចលត្រូវបានគេរកឃើញថាត្រូវបានបាញ់ពីក្រោយ។
ប្រភពបាននិយាយថា សមាជិកសកម្មដែលត្រូវបានចចោទប្រកាន់ទាំងនោះគឺជាកោសិកានៃក្រុមភេរវករ ហហើយត្រូវបានគេសង្កេតឃើញថា បានកាត់ក្បាលមន្ត្រីអនុវត្តច្បាប់ ក៏ដូចជាដុតមនុស្សទាំងរស់។ ក្នុងករណីជាច្រើន ក្រុមសកម្មប្រយុទ្ធដែលសង្ស័យថាពួកគេថែមទាំងបានសម្លាប់អ្នកដែលរងរបួសជាច្រើននាក់ថែមទៀត។
ក្រុមសកម្មប្រយុទ្ធក៏បានដុតបំផ្លាញទ្រព្យសម្បត្តិសាធារណៈ និងឯកជនផងដែរ ដោយអគារ និងរថយន្តជាច្រើនត្រូវបានដុតបំផ្លាញក្នុងអំឡុងពេលមានភាពចលាចល។ អគារសាសនា និងអាជីវកម្មក៏ត្រូវបានក្រុមកុបកម្មកំណត់គោលដៅម្តងហើយម្តងទៀតផងដែរ។
នៅក្នុងទីក្រុងតេអេរ៉ង់តែមួយ យ៉ាងហោចណាស់មានធនាគារចំនួន ២៦ និងវិហារអ៊ីស្លាមចំនួន ២៥ ត្រូវបានដុតបំផ្លាញ។ អ្នកឆ្លើយតបដំបូងក៏ត្រូវបានវាយប្រហារម្តងហើយម្តងទៀតផងដែរ ដោយមានរថយន្តពន្លត់អគ្គីភ័យប្រហែល ៥៣ គ្រឿងត្រូវបានកំណត់គោលដៅ ខណៈពេលកំពុងព្យាយាមពន្លត់ភ្លើងនៅទូទាំងប្រទេស។
យោងតាមប្រភពព័ត៌មាន យ៉ាងហោចណាស់មានរថយន្តពន្លត់អគ្គីភ័យចំនួន ៨ គ្រឿងត្រូវបានបំផ្លាញ។ ប្រភពព័ត៌មានក៏បានអះអាងថា ក្រុមសកម្មប្រយុទ្ធបានទទួលលុយយ៉ាងច្រើនពីបរទេសសម្រាប់សកម្មភាពរបស់ពួកគេ។ ឧទាហរណ៍ ការវាយប្រហារស្ថានីយ៍ប៉ូលីសមានតម្លៃប្រហែល ៦០០ ដុល្លារ ខណៈពេលដែលការដុតបំផ្លាញយានយន្តដែលប្រើប្រាស់ដោយភ្នាក់ងាររដ្ឋណាមួយមានតម្លៃប្រហែល ៣០០ ដុល្លារ។ ប្រភពព័ត៌មានបានបញ្ជាក់បន្ថែមថា ទីក្រុងតេអេរ៉ង់ទទួលបានឯកសារដែលបញ្ជាក់ពីការទូទាត់បែបនេះ៕
ដោយ៖ ពេជ្រ
