តម្លៃប្រេង បានថយចុះ នៅថ្ងៃពុធនេះ បន្ទាប់ពីហក់ឡើងរយៈពេល ៤ ថ្ងៃ ខណៈដែលការនាំចេញប្រេងពីវេណេស៊ុយអេឡាអនុញ្ញាតឱ្យបន្តឡើងវិញ ប៉ុន្តែមានការព្រួយបារម្ភចំពោះការរំខានការផ្គត់ផ្គង់នៅអ៊ីរ៉ង់។
ការព្រួយបារម្ភនេះ កើតឡើង បន្ទាប់ពីភាពចលាចលស៊ីវិលដ៏សាហាវកំពុងបន្តនៅក្នុងប្រទេសផលិតប្រេងដ៏សំខាន់នៅមជ្ឈិមបូព៌ាមួយនេះ។
ប្រេង Brent ធ្លាក់ចុះ ៩ សេន ឬ ០,១៤ ភាគរយ ស្មើនឹង ៦៥,៣៨ ដុល្លារ ក្នុងមួយបារ៉ែល។ ប្រេងឆៅ West Texas Intermediate របស់សហរដ្ឋអាមេរិក ធ្លាក់ចុះ ១២ សេន ឬ ០,២០ ភាគរយ ស្មើនឹង ៦១,០៣ ដុល្លារ ក្នុងមួយបារ៉ែល។
ប្រេង Brent ហក់ឡើងខ្ពស់ជាង ២.៥ ភាគរយ នៅថ្ងៃអង្គារ ខណៈដែល WTI ឡើង ២.៨ ភាគរយ ខណៈដែលការតវ៉ាកាន់តែខ្លាំងឡើងនៅក្នុងប្រទេសអ៊ីរ៉ង់ បង្កើនការព្រួយបារម្ភចំពោះការរំខានដល់ការផ្គត់ផ្គង់ពីប្រទេសផលិតប្រេងធំជាងគេទី ៤ របស់ OPEC នេះ។
ប្រធានាធិបតីអាមេរិក លោក ដូណាល់ ត្រាំ កាលពីថ្ងៃអង្គារ បានជំរុញឱ្យប្រជាជនអ៊ីរ៉ង់ បន្តការតវ៉ា៕
ដោយ៖ ពេជ្រ
