មនុស្ស ២នាក់ ត្រូវបានចាប់ខ្លួននៅក្នុងខេត្ត Khorasan ខាងជើងភាគឦសានអ៊ីរ៉ង់ ដែលត្រូវបានគេជឿថាមានទំនាក់ទំនងជាមួយទីភ្នាក់ងារស៊ើបការណ៍សម្ងាត់អ៊ីស្រាអែល Mossad ។ សេវាកម្មពិសេសនៃកងឆ្មាំបដិវត្តន៍អ៊ីស្លាម (IRGC អង្គភាពវរជននៃកងកម្លាំងប្រដាប់អាវុធអ៊ីរ៉ង់) ។
យោងតាមទីភ្នាក់ងារសារព័ត៌មាន Tasnim រាយការណ៍ថា ជនជាប់ចោទទាំង ២ គឺដើរតួនាទីយ៉ាងសំខាន់ក្នុងការរៀបចំភាពចលាចលដ៏ធំនៅក្នុងប្រទេស។ ប្រភពនេះ បានកត់សម្គាល់ថា ឧបករណ៍ទំនាក់ទំនង អាវុធធុនតូច និងគ្រាប់រំសេវត្រូវបានរឹបអូសពីជនសង្ស័យ ក្នុងអំឡុងពេលឆែកឆេរ។
កាលពីថ្ងៃទី ២៩ ខែធ្នូ ក្រុមបាតុករដែលភាគច្រើនជាអាជីវករ បានចាប់ផ្តើមការតវ៉ានៅទីក្រុងតេអេរ៉ង់ ដោយសារតែការធ្លាក់ចុះយ៉ាងខ្លាំងនៃសេដ្ឋកិច្ចអ៊ីរ៉ង់។ នៅថ្ងៃបន្ទាប់ ពោលគឺថ្ងៃទី ៣០ ខែធ្នូ និស្សិតជាច្រើនក៏បានចូលរួមក្នុងការចលាចលនេះ។ កុប្បកម្មបានរីករាលដាលដល់ទីក្រុងធំៗភាគច្រើន។
ការតវ៉ាកាន់តែឡើងកម្ដៅ នៅល្ងាចថ្ងៃទី ៨ ខែមករា ដែលយ៉ាងហោចណាស់ជនស៊ីវិល ១៣ នាក់ រួមទាំងកុមារម្នាក់ ត្រូវបានសម្លាប់។ អាជ្ញាធរ បានរាយការណ៍ពីការស្លាប់របស់មន្ត្រីចំនួន ៣៨ នាក់។ លោក Alireza Zakani អភិបាលក្រុងតេអេរ៉ង់ និយាយថា ក្រុមបាតុករ បានដុតវិហារអ៊ីស្លាមចំនួន ២៥ កន្លែង, បំផ្លាញធនាគារចំនួន ២៦ កន្លែង, មជ្ឈមណ្ឌលវេជ្ជសាស្ត្រចំនួន ៣ កន្លែង, អគាររដ្ឋាភិបាលចំនួន ១០ កន្លែង, រថយន្តពន្លត់អគ្គីភ័យ, ឡានក្រុង និងរថយន្តសង្គ្រោះបន្ទាន់ជាង ១០០ គ្រឿង ក៏ដូចជាអាផាតមិនចំនួន ២៤ កន្លែង។ អាជ្ញាធរអ៊ីរ៉ង់ បានហៅក្រុមបាតុករថាជាភេរវករ ហើយស្តីបន្ទោសអ៊ីស្រាអែល និងសហរដ្ឋអាមេរិកថាជាអ្នករៀបចំភាពចលាចលនេះ៕
ដោយ៖ ពេជ្រ
