សហរដ្ឋអាមេរិកនឹងផ្ដល់ជំនួយសរុប ៤៥លានដុល្លារ ដល់ប្រទេសថៃនិងកម្ពុជាដើម្បីដោះស្រាយបញ្ហាព្រំដែន។ ក្នុងនោះ ១៥លានដុល្លារ នឹងប្រើប្រាស់លើការធ្វើឲ្យមានស្ថិរភាពព្រំដែន និងជួយដល់ជនភៀសសឹក, ១០លានដុល្លារ សម្រាប់ការដោះមីន និង ២០លានដុល្លារ សម្រាប់ការការងារប្រឆាំងនឹងការឆបោកតាមអនឡាញ ជួញដូរគ្រឿងញៀមនិងបទល្មើសផ្សេងទៀត។ នេះបើតាម លោក Michael George DeSombre ឧបការីរដ្ឋមន្ត្រីក្រសួងការបរទេស ទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក៕
