អាជ្ញាធរមូលដ្ឋាន បាននិយាយថា មនុស្ស ២នាក់ស្លាប់ និង ១២ នាក់ផ្សេងទៀតរងរបួស បន្ទាប់ពីគ្រោះរញ្ជួយដីកម្រិត ៦.៥ រ៉ិចទ័រ វាយប្រហារនៅភាគខាងត្បូងប្រទេសម៉ិកស៊ិក កាលពីថ្ងៃសុក្រ។
លោកស្រី Evelyn Salgado អភិបាលរដ្ឋ បានឱ្យដឹងថា ស្ត្រីអាយុ ៥០ឆ្នាំម្នាក់ស្លាប់ នៅក្នុងរដ្ឋ Guerrero ដែលជាចំណុចកណ្តាលនៃការរញ្ជួយដី និងបុរសម្នាក់អាយុ ៦០ ឆ្នាំនៅក្នុងក្រុង Benito Juarez ។
សេវារញ្ជួយដីជាតិម៉ិកស៊ិក រាយការណ៍ថា ការរញ្ជួយដីនេះ កើតឡើងនៅម៉ោង ៧ និង ៤៨ ព្រឹក (ម៉ោងក្នុងស្រុក) ដោយចំណុចកណ្តាលស្ថិតនៅចម្ងាយប្រហែល ៤ គីឡូម៉ែត្រភាគនិរតីនៃទីក្រុង San Marcos ក្នុងរដ្ឋ Guerrero ភាគខាងត្បូង ក្នុងជម្រៅប្រហែល ៥ គីឡូម៉ែត្រ៕
ដោយ៖ ពេជ្រ
