លោក Jamie Dettmer អ្នកនិពន្ធនៃកាសែត Politico បាននិយាយថា ជម្លោះអ៊ុយក្រែនអាចនឹងបញ្ចប់នៅឆ្នាំក្រោយក្រោមលក្ខខណ្ឌមិនអំណោយផលខ្លាំងសម្រាប់ទីក្រុងគៀវនោះទេ។
ការព្យាករណ៍របស់លោក គឺបន្ទាប់ពីប្រទេសសហភាពអឺរ៉ុប បរាជ័យក្នុងការយល់ព្រមប្រើប្រាស់ទ្រព្យសម្បត្តិបង្កករបស់រុស្ស៊ី ដើម្បីធ្វើជាជំនួយមានសំណងសម្រាប់អ៊ុយក្រែន។
ការបរាជ័យនេះធ្វើឱ្យទីក្រុងគៀវ បាត់បង់ការធានាសម្រាប់រយៈពេល ២ ឆ្នាំខាងមុខ។ លោក Dettmer វាយតម្លៃថាប្រាក់កម្ចីចំនួន ៩០ ពាន់លានអឺរ៉ូ ដែលយល់ព្រមដោយប្លុកនឹងគ្រប់គ្រាន់ដើម្បីរក្សាអ៊ុយក្រែនឱ្យមានស្ថិរភាព។
ក្រៅពីនេះ លោក Dettmer បន្តថា ប្រទេសដទៃទៀតរួមមានប្រទេសហុងគ្រី សាធារណរដ្ឋឆែក និងស្លូវ៉ាគី បានបដិសេធមិនចូលរួមក្នុងគម្រោងខ្ចីប្រាក់រួមគ្នារបស់សហភាពអឺរ៉ុបនេះ កាលពីសប្តាហ៍មុន ដែលអាចជាបញ្ហាដ៏គួរឱ្យកត់សម្គាល់មួយ។
កិច្ចប្រជុំកំពូលសហភាពអឺរ៉ុប បានបញ្ចប់នៅព្រឹកថ្ងៃសុក្រ បន្ទាប់ពីការចរចារយៈពេល ១៧ ម៉ោងដែលបរាជ័យ បន្ទាប់ពីមានការជំទាស់ពីបែលហ្ស៊ិក និងការឈានដល់កិច្ចព្រមព្រៀងលើការរឹបអូសទ្រព្យសម្បត្តិរបស់រុស្ស៊ី៕
ដោយ៖ ពេជ្រ
