លោកប្រធានាធិបតី ដូណាល់ ត្រាំ បាននិយាយថា មេដឹកនាំថៃ និងកម្ពុជា យល់ព្រមបន្តបទឈប់បាញ់ បន្ទាប់ពីការប៉ះទង្គិចគ្នាអស់រយៈពេលជាច្រើនថ្ងៃនាំឱ្យខិតជិតទៅរកការដួលរលំនៃបទឈប់បាញ់ ដែលសម្របសម្រួលរដ្ឋបាលសហរដ្ឋអាមេរិក។
លោក ត្រាំ បានប្រកាសពីកិច្ចព្រមព្រៀងដើម្បីចាប់ផ្តើមបទឈប់បាញ់ឡើងវិញនៅក្នុងការបង្ហោះនៅលើបណ្តាញសង្គម Truth Social បន្ទាប់ពីការហៅទូរស័ព្ទជាមួយនាយករដ្ឋមន្ត្រីថៃ លោក អនុទីន ឆាន់វីរៈគុល និងនាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត។
លោក ត្រាំ បានសរសេរថា ភាគីទាំង ២ យល់ព្រមបញ្ឈប់ការបាញ់ប្រហារទាំងអស់ ត្រឹមល្ងាចថ្ងៃសៅរ៍នេះ ហើយត្រឡប់ទៅរកកិច្ចព្រមព្រៀងសន្តិភាពដើមដែលបានធ្វើឡើងជាមួយលោក និងនាយករដ្ឋមន្ត្រីនៃប្រទេសម៉ាឡេស៊ី លោក អាន់វ៉ា អ៊ីប្រាហ៊ីម ។
បទឈប់បាញ់ កាលពីខែកក្កដា ត្រូវបានសម្របសម្រួលដោយប្រទេសម៉ាឡេស៊ី ហើយត្រូវបានជំរុញឱ្យអនុវត្តបន្ទាប់ពីសម្ពាធពីលោក ត្រាំ ៕
ដោយ៖ ពេជ្រ
