ប្រធានាធិបតីកូឡុំប៊ីលោក Gustavo Petro បាននិយាយថា ការវាយប្រហារណាមួយរបស់សហរដ្ឋអាមេរិកនឹងត្រូវបានកត់ត្រាថាជាទង្វើនៃការឈ្លានពានដែលនាំទៅរកសង្គ្រាម។
លោក Petro បានសរសេរនៅលើ X ថា ការវាយប្រហារលើអធិបតេយ្យភាពរបស់យើងនឹងមានន័យថាជាការប្រកាសសង្គ្រាម។
ទន្ទឹមនោះ ប្រធានាធិបតីកូឡុំប៊ី បានព្រមានថា កុំបំផ្លាញទំនាក់ទំនងការទូតពីរសតវត្ស។ លោក ក៏បានអំពាវនាវឱ្យលោកប្រធានាធិបតីអាមេរិក Donald Trump ទៅកាន់ប្រទេសលោក ដើម្បីពិនិត្យ និងមើលពីរបៀបដែលប្រទេសលោក កំពុងអនុវត្តវិធានការច្បាប់ប្រយុទ្ធប្រឆាំងនឹងគ្រឿងញៀន ផងដែរ។
កាលពីថ្ងៃទី ២ ខែធ្នូ លោក Trump បាននិយាយថា កងទ័ពអាមេរិក នឹងចាប់ផ្តើមវាយប្រហារគោលដៅដីគោកនៅអាមេរិកឡាទីន ក្នុងពេលឆាប់ៗនេះ ដែលជាប្រតិបត្តិការប្រយុទ្ធប្រឆាំងនឹងការជួញដូរគ្រឿងញៀន៕
ដោយ៖ ពេជ្រ
