ក្រុមព្រះខ័នរាជស្វាយរៀង របស់កម្ពុជា នឹងត្រូវប៉ះក្រុមម្ចាស់ផ្ទះវៀតណាម Đông Á Thanh Hóa ក្នុងការប្រកួតពានរង្វាន់ ASEAN Club Championship Shopee Cup ដែលធ្វើឡើងនៅថ្ងៃទី ២២ ខែមករា ឆ្នាំ ២០២៥នេះ វេលាម៉ោង ៦:០០ ល្ងាច នាកីឡដ្ឋាន Thanh Hóa Stadium ។
ក្រុមព្រះខ័នរាជស្វាយរៀង ឆ្លងកាត់ការប្រកួតពាន Shopee Cup ៣ប្រកួតមកហើយ ដោយ ឈ្នះ១ និងចាញ់២ មាន ៣ពិន្ទុ កំពុងឈរលេខ៥ ក្នុងតារាងចំណាត់ថ្នាក់ ចំណែកក្រុម Đông Á Thanh Hóa ឆ្លងកាត់៣ប្រកួត ឈ្នះ១ និងស្មើរ២ មិនទាន់ចាញ់ មាន ៥ពិន្ទុ កំពុងឈរលេខ២ បណ្ដោះអាសន្ន ។ ដូច្នេះការប្រកួតយប់នេះស្វាយរៀងត្រូវការឈ្នះដាច់ខាត បើចាញ់អស់ឱកាស ប៉ុន្តែបើស្មើ ឬឈ្នះ នៅសល់ឱកាសអ៊ុ.តបន្តដល់ប្រកួតចុងក្រោយ។
គួរឱ្យដឹងផងដែរថាការប្រកួតពានរង្វាន់ ASEAN Club Championship Shopee Cup មាន២ពូល ហើយគេយក២ក្រុមដែលមានពិន្ទុច្រើនជាងគេចំនួន២ក្រុមនៃពូលនីមួយៗឡើងទៅវគ្គពាក់កណ្ដាលផ្ដាច់ព្រ័ត្រ ៕
