​ព្រះខ័នរាជស្វាយរៀង បន្តឈរលេខ២ ក្នុងតារាង CPL បណ្ដោះ​អាស​ន្ន ​ក្រោយឈ្នះម្ចាស់ផ្ទះណាហ្គាវើលដ៏

ក្រុមភ្ញៀវព្រះខ័នរាជស្វាយរៀង បានបន្តឈរលេខ២ ក្នុងតារាង Cambodian Premier League ជាបណ្ដោះអាសន្ន ក្រោយយកឈ្នះលើក្រុមម្ចាស់ផ្ទះ ណាហ្គាវើលដ៏ ដោយលទ្ធផល​ ២-០ ​នា​កីឡដ្ឋានខេត្តកំពង់ស្ពឺ ក្នុងសប្ដាហ៍ទី១៦នៃលីគកំពូលកម្ពុជា ។

សម្រាប់ការប្រកួតនេះក្រុមភ្ញៀវព្រះខ័នរាជស្វាយរៀង បាននាំមុខក្រុមម្ចាស់ផ្ទះណាហ្គា ១គ្រាប់មុននៅនាទីទី៣៤ ដោយកីឡាករមីហ៊្សូណូ ហ៊ីការ៉ុ ​ហើយលទ្ធផលនេះបានរក្សារហូតដល់ចប់វគ្គ​ទី១។ លុះចូលវគ្គទី២កីឡាករ GABRIEL SILVA ទាត់បាល់ ១១ម៉ែត្រ បន្ថែមគ្រាប់ទី២ នៅនាទី ៧១ ឲ្យស្វាយរៀង យកឈ្នះណាហ្គា ២-០។

លទ្ធផលនេះបានធ្វើឲ្យក្រុមព្រះខ័នរាជស្វាយរៀង បានបន្តឈរលេខ២ ក្នុងតារាង Cambodian Premier League ជាបណ្ដោះអាសន្ន ក្រោយឆ្លងកាត់១៦ប្រកួតមាន៣៧ ដោយតាមពីក្រុមកំពូលតារាង ភ្នំពេញក្រោនចំនួ​ន ៣ពិន្ទុ៕

Written by 

Related posts

Leave a Comment