ទីភ្នាក់ងារសារព័ត៌មាននៃសាធារណរដ្ឋស្លូវ៉ាគី (TASR) រាយការណ៍ថា រថភ្លើង ២ គ្រឿង បានបុកគ្នា កាលពីល្ងាចថ្ងៃអាទិត្យនៅភាគខាងលិចស្លូវ៉ាគី បណ្តាលឱ្យមនុស្សជាច្រើននាក់រងរបួស។
ហេតុការណ៍នេះ បានកើតឡើងនៅផ្លូវដែកដែលឆ្លងកាត់រវាងទីក្រុង Pezinok ក្នុងតំបន់ Bratislava និងរដ្ឋធានី Bratislava។
ក្រុមហ៊ុនដឹកជញ្ជូនអ្នកដំណើររដ្ឋ ZSSK បានបញ្ជាក់ថា ខ្លួនកំពុងសហការជាមួយប្រតិបត្តិករហេដ្ឋារចនាសម្ព័ន្ធផ្លូវដែក ZSR ប៉ូលីស និងសេវាសង្គ្រោះបន្ទាន់ ដើម្បីគ្រប់គ្រងស្ថានការណ៍។
សេវាកម្មរថភ្លើងនៅក្នុងតំបន់នេះ ត្រូវបានផ្អាក ដោយ ZSSK ព្រមានពន្យារពេល និងការបិទផ្លូវដែលអាចកើតមានតាមបណ្តោយផ្នែកដែលរងផលប៉ះពាល់។
មូលហេតុនៃការបុកគ្នានៅតែស្ថិតក្រោមការស៊ើបអង្កេតនៅឡើយ៕
ដោយ៖ ពេជ្រ
