បុរសម្នាក់បើករថយន្ដ TOYOTA TACOMA ពាក់ផ្លាកលេខ ភ្នំពេញ 2BD-6042 បើកថយក្រោយក៏ជ្រុលទៅបុករទេះលក់ភេសជ្ជៈមួយគ្រឿងដែលឈប់លក់នៅលើខឿនបណ្ដាលឲ្យរងរបួសធ្ងន់ស្រាលបីនាក់ និងត្រូវដឹកបញ្ជូនទៅមន្ទីរពេទ្យ។ ភ្លាមៗនោះម្ចាស់រថយន្តព្យាយាមបើករត់គេចខ្លួន តែត្រូវបានប្រជាពលរដ្ឋដេញឃាត់បានយកមកកន្លែងកើតហេតុវិញ។
ហេតុការណ៍នេះបានកើតឡើងកាលពីយប់ ថ្ងៃទី០៩ ខែវិច្ឆិកា ឆ្នាំ២០២៥ ស្ថិតតាមបណ្ដោយផ្លូវ៥១៦ កែងផ្លូវ៣១៥ សង្កាត់បឹងកក់ទី១ ខណ្ឌទួលគោក រាជធានីភ្នំពេញ៕
