ខ្សែការពារកណ្ដាលនិងជាប្រធានក្រុមជម្រើសជាតិកម្ពុជា កាន់ ម៉ូ បានិយាយនៅលើ Facebook ផ្ទាល់ខ្លួនរបស់គេថា ខ្ញុំមិនចង់បញ្ចប់ការប្រកួតពានរង្វាន់ ASEAN Mitsubishi Electric Cup 2024 ដោយបែបនឹងទេ បន្ទាប់រូបគេបានអវត្តមានសម្រាប់ការប្រកួតដែលនៅសល់ក្នុងពាននេះដោយសារបញ្ហារបួស។
កាន់ មូ បាននិយាយថា «ខ្ញុំមិនចង់បញ្ចប់ការប្រកួតពានរង្វាន់មួយនេះដោយបែបនឹងទេ ព្រោះខ្ញុំបានដាក់គោលដៅ និងក្តីសង្ឃឹមខ្ពស់ក្នុងការលេងតំណាងឲ្យកម្ពុជាក្នុងយុទ្ធនាការមួយនេះ។ ខ្ញុំសូមជូនពរមិត្តរួមក្រុមជម្រើសជាតិឲ្យសំណាងល្អក្នុងការប្រកួតដែលនឹងមកដល់នាពេលខាងមុខនេះ។ អ្នកអាចធ្វើវាបាន ៕»
