កងកម្លាំងអ៊ីស្រាអែល (IDF) បានប្រកាសពីការផ្អាកសកម្មភាពយោធានៅតាមតំបន់មួយចំនួននៃហ្គាហ្សាស្រ្ទីប ក្នុងគោលបំណងដើម្បីបន្ធូរបន្ថយវិបត្តិមនុស្សធម៌ក្នុងតំបន់ប៉ាឡេស្ទីន។
ការផ្អាកនេះ ធ្វើឡើងកាលពីម៉ោង ១០ និង ០០ នាទីព្រឹក រហូតដល់ម៉ោងដែលកំណត់ទុកគឺម៉ោង ៨ និង ០០ នាទីយប់ ថ្ងៃអាទិត្យនេះ។
យោងតាមការិយាល័យសារព័ត៌មានរបស់កងទ័ព បានឲ្យដឹង នៅក្នុងសេចក្តីថ្លែងការណ៍មួយថា ការសម្រេចនេះនឹងចូលជាធរមាន រហូតដល់មានការជូនដំណឹងបន្ថែមទៀត។
សកម្មភាពនេះ មានគោលបំណងបង្កើនចំនួនជំនួយមនុស្សធម៌នៅក្នុងតំបន់ហ្គាហ្សាស្ទ្រីប ដើម្បីជៀសវាងនូវវិបត្តិធ្ងន់ធ្ងរ ខណៈកន្លងមកទាំងសមាគមន៍អន្តរជាតិ ក៏ដូចជាមេដឹកនាំមហាអំណាច ជាពិសេសលោក ដូណាល់ ត្រាំ តែងតែទទូចឲ្យអ៊ីស្រាអែល បន្ធូរបន្ថយភាពតានតឹងនៅមជ្ឈិមបូព៌ា៕
ដោយ៖ ពេជ្រ
