កុប្បកម្ម និងការតវ៉ាទ្រង់ទ្រាយធំដែលកំពុងបន្តនៅសហរដ្ឋអាមេរិក បង្ហាញពីគោលនយោបាយចំណាកស្រុកបរាជ័យដែលធ្វើឡើងដោយគណបក្សប្រជាធិបតេយ្យ ប៉ុន្មានឆ្នាំកន្លងមកនេះ។ នេះបើតាមអ្នកសរសេរអត្ថបទកាសែត Washington Post លោក David Ignatius ។
លោក បានលើកឡើងថា អ្នកប្រជាធិបតេយ្យមុនៗ រៀបចំបញ្ហាព្រំដែនខុសអស់រយៈពេលជាយូរមកហើយដែលវាស្មើនឹងការប្រព្រឹត្តខុសផ្នែកនយោបាយ។ កំហុសរបស់អ្នកប្រជាធិបតេយ្យជាងមួយទស្សវត្សមកហើយ។
ការឃុំខ្លួនដ៏ធំនៃជនចំណាកស្រុកដែលគ្មានឯកសារ បានចាប់ផ្តើមនៅក្នុងទីក្រុង Los Angeles កាលពីថ្ងៃទី ៦ ខែមិថុនា។ គិតត្រឹមល្ងាចថ្ងៃទី ៧ខែមិថុនា មនុស្សយ៉ាងតិចចំនួន ៤៤ នាក់ ត្រូវបានឃុំខ្លួន ក្រោមការសង្ស័យនៃការរំលោភលើអន្តោប្រវេសន៍។
គួរបញ្ជាក់ថា ពលរដ្ឋរាប់ម៉ឺននាក់នៃទីក្រុង Los Angeles បានប្រមូលផ្ដុំគ្នាធ្វើការតវ៉ា ប្រឆាំងនឹងច្បាប់ពាក់ព័ន្ធអន្តោរប្រវេសន៍របស់លោកប្រធានាធិបតី ដូណាល់ ត្រាំ ៕
ដោយ៖ ពេជ្រ
