កំពូលខ្សែប្រយុទ្ធ Cristiano Ronaldo បានបង្កើតកំណត់ត្រាថ្មីមួយទៀត ក្នុងប្រវត្តិសាស្ត្រ ក្នុងនាមជាកីឡាករ ដែលស៊ុតបញ្ចូលទីបានច្រើនបំផុត ក្នុងវគ្គជម្រុះ World Cup ដោយមាន ៤១គ្រាប់ច្រើនបំបំផុត ក្នុងចំណោម៥០ប្រកួត។
ការបង្កើតកំណត់ត្រាថ្មីមួយនេះបានកើតឡើងពេល Ronaldo ស៊ុតបញ្ចូលទី២ ជួយឲ្យក្រុមជម្រើសជាតិព័រទុយហ្គាល់ តាមស្មើក្រុមជម្រើសជាតិហុងគ្រី ២-២ ក្នុងទីក្រុង Lisbon កាលពីយប់មិញ ក្នុងវគ្គជម្រុះ World Cup។ គិតត្រឹមវ័យ៤០ឆ្នាំ Ronaldo រកបានគ្រាប់បាល់សរុប ៩៤៨គ្រាប់ក្នុងអាជីពបាល់ទាត់៕
