កង្វះខាតទឹករ៉ាំរ៉ៃនៅតំបន់ហ្គាហ្សា កាន់តែអាក្រក់ទៅៗ នៅពេលដែលការវាយលុកផ្នែកយោធារបស់អ៊ីស្រាអែល កាន់តែកើនឡើងបណ្តាលឱ្យមានរលកថ្មីនៃការផ្លាស់ទីលំនៅ ហើយរោងចក្រទឹកស្អាត និងអនាម័យ កំពុងអស់ប្រេងឥន្ធនៈ សម្រាប់ប្រើប្រាស់។
ការិយាល័យមនុស្សធម៌របស់អង្គការសហប្រជាជាតិ បានព្រមានថា ប្រសិនបើគ្មានការដឹកជញ្ជូនឥន្ធនៈភ្លាមៗទេ ការបិទរោងចក្រផលិតទឹក និងបរិក្ខារអនាម័យគឺអាចធ្វើទៅបាន នៅចុងសប្តាហ៍នេះ តែម្ដង។
បន្ទាប់ពីអ៊ីស្រាអែល បានប្រកាសបិទផ្លូវជំនួយ កាលពីដើមខែមីនា វាបណ្ដាលឲ្យមានផលប៉ះពាល់ដល់ដំណើរការនៃរោងចក្រសំខាន់ៗ ដែលជាប្រភពទឹកដ៏សំខាន់សម្រាប់ផ្គត់ផ្គងប្រជាជននៅហ្គាហ្សា ទាំងមូល។
ទោះជាយ៉ាងណា អ៊ីស្រាអែល បានបញ្ជាក់ថា ជំហានទាំងនេះគឺដើម្បីដាក់សម្ពាធលើក្រុមហាម៉ាស ដើម្បីដោះលែងចំណាប់ខ្មាំងដែលនៅសល់ឲ្យអស់ផងដែរ ៕
ដោយ៖ ពេជ្រ
