ប្រធានាធិបតីថ្មីរបស់អាមេរិក លោក Trump បានទាមទារ និងគាំរាមឱ្យពួកសកម្មប្រយុទ្ធប៉ាឡេស្ទីនដោះលែងចំណាប់ខ្មាំងទាំងអស់មុនពេលលោកចូលកាន់តំណែង បើមិនដូច្នេះទេគេប្រាដកជាត្រូវចុះនរក។
លោក Donald Trump បានព្រមានថា មជ្ឈឹមបូព៌ានឹងចុះនរកទាំងអស់ប្រសិនបើក្រុមហាម៉ាស់មិនដោះលែងចំណាប់ខ្មាំងអ៊ីស្រាអែលដែលនៅសេសសល់ មុនពេលគាត់ចូលកាន់តំណែង។ លោក ក៏បានដាក់សម្ពាធទាំងអ៊ីស្រាអែល និងក្រុមសកម្មប្រយុទ្ធប៉ាឡេស្ទីនឲ្យបញ្ចប់ជម្លោះរបស់ពួកគេមុនពេលលោកចូលកាន់តំណែងផងដែរ។
ក្រុមសកម្មប្រយុទ្ធហាម៉ាសបានចាប់ចំណាប់ខ្មាំងជាង ២៥០ នាក់ក្នុងអំឡុងពេលវាយលុករបស់ពួកគេលើអ៊ីស្រាអែលកាលពីខែតុលាឆ្នាំមុន។ ខណៈពេលដែលមនុស្ស ១០៥ នាក់ត្រូវបានដោះលែងក្នុងអំឡុងពេលបទឈប់បាញ់រយៈពេលខ្លីនៅមួយខែបន្ទាប់ផ្ទុះជម្លោះ និងមួយចំនួនទៀតត្រូវបានជួយសង្គ្រោះនៅឆ្នាំនេះ ហើយប្រហែលជាមាន ១០០ នាក់ត្រូវបានគេជឿថានៅតែស្ថិតក្នុងតំបន់ហ្គាហ្សា ដោយក្រុមហាម៉ាសបានរក្សាទុកដើម្បីធ្វើជាថ្នូរនឹងការដកខ្លួនរបស់អ៊ីស្រាអែលចេញពីហ្គាហ្សា ហើយជាលក្ខខណ្ឌដែលនាយករដ្ឋមន្ត្រីអ៊ីស្រាអែល Benjamin Netanyahu មិនទទួលយក។
លោក Trump បានសរសេរនៅលើវេទិកាសង្គម Truth Social របស់គាត់កាលពីថ្ងៃច័ន្ទថា “មនុស្សគ្រប់គ្នាកំពុងនិយាយអំពីចំណាប់ខ្មាំងដែលកំពុងត្រូវបានឃុំខ្លួនដោយហិង្សា អមនុស្សធម៌ និងប្រឆាំងនឹងឆន្ទៈរបស់ពិភពលោកទាំងមូលនៅមជ្ឈិមបូព៌ា”។ បន្ទាប់មកប្រធានាធិបតីថ្មីរូបនោះបានប្រកាសថា “ប្រសិនបើចំណាប់ខ្មាំងមិនត្រូវបានដោះលែងមុនថ្ងៃទី ២០ ខែមករា ឆ្នាំ ២០២៥ ដែលជាកាលបរិច្ឆេទដែលខ្ញុំទទួលតំណែងជាប្រធានាធិបតីសហរដ្ឋអាមេរិកដោយមោទនភាព នោះនឹងមានស្ថាននរកទាំងអស់ដែលត្រូវបង់នៅមជ្ឈិមបូព៌ា ហើយសម្រាប់អ្នកនៅក្នុង នោះនឹងត្រូវបានចោទប្រកាន់ថាជាអ្នកប្រព្រឹត្តអំពើឃោរឃៅឬឧក្រឹដ្ឋកម្មប្រឆាំងនឹងមនុស្សជាតិ”។ លោកបានបញ្ចប់ថា “អ្នកដែលទទួលខុសត្រូវនឹងត្រូវរងការវាយប្រហារខ្លាំងជាងអ្នកដែលរងការវាយប្រហារក្នុងប្រវត្តិសាស្ត្រសហរដ្ឋអាមេរិកដ៏យូរអង្វែងពាក់ពន្ធ័នឹងរឿងរ៉ាវនោះទៅទៀត”។
លោក Trump ក៏បានសន្យាថានឹងដោះស្រាយវិបត្តិជាសកលជាច្រើននៅពេលគាត់ត្រឡប់ទៅសេតវិមាន ជាពិសេសជម្លោះរុស្ស៊ី-អ៊ុយក្រែន។ ខណៈពេលដែលគាត់បានផ្តល់ភាពជាក់លាក់មួយចំនួនអំពីរបៀបដែលគាត់នឹងធ្វើនេះ ដែលពីមុនលោកបានបង្ខំឲ្យមហាអំណាចបរទេសទៅកាន់តុចរចាជាមួយនឹងការគំរាមកំហែងនៃអំពើហិង្សា ឬការដាក់ទណ្ឌកម្មសេដ្ឋកិច្ច។ មុននឹងរៀបចំកិច្ចប្រជុំដ៏ស្និទ្ធស្នាលជាបន្តបន្ទាប់ជាមួយមេដឹកនាំកូរ៉េខាងជើង លោក គីម ជុងអ៊ុន ក្នុងអំឡុងពេលអាណត្តិដំបូងរបស់គាត់ លោក Trump បានគំរាមកំហែងទីក្រុងព្យុងយ៉ាងជាមួយនឹង “ភ្លើង កំហឹង និងប្រើអំណាចដោយស្មោះត្រង់ ខណដែលពិភពលោកនេះមិនធ្លាប់ឃើញពីមុនមក”។
មុនពេលឈ្នះការបោះឆ្នោត លោក Trump ត្រូវបានគេរាយការណ៍ថាបានប្រាប់លោក Netanyahu ថាគាត់ចង់ឱ្យសង្គ្រាមអ៊ីស្រាអែលលើក្រុមហាម៉ាស់បញ្ចប់មុនថ្ងៃសម្ពោធ។ ខណៈពេលដែលលោក Trump មិនបានទទួលស្គាល់ការធ្វើអត្ថាធិប្បាយទាំងនេះទៅកាន់លោក Netanyahu លោកបានអំពាវនាវជាសាធារណៈឱ្យអ៊ីស្រាអែល “បញ្ចប់សង្រ្គាមរបស់អ្នកជាបន្ទាន់” ដោយការអំពាវនាវជាច្រើនដងក្នុងឆ្នាំនេះ។
ថ្លែងទៅកាន់ Axios កាលពីថ្ងៃសុក្រ ព្រឹទ្ធសមាជិកសភាមកពីគណបក្សសាធារណរដ្ឋលោក Lindsey Graham បានអះអាងថា លោក Trump “មានការតាំងចិត្តច្រើនជាងពេលណាៗទាំងអស់ក្នុងការដោះលែងចំណាប់ខ្មាំង និងគាំទ្របទឈប់បាញ់ដែលរួមបញ្ចូលកិច្ចព្រមព្រៀងចំណាប់ខ្មាំងផងដែរ”។ លោក Graham ដែលជាអ្នកជំនាញខាងគោលនយោបាយការបរទេសបានពន្យល់ថា លោក Trump ចង់ឈានដល់កិច្ចព្រមព្រៀងស្តីពីតំបន់ហ្គាហ្សា ដូច្នេះគាត់អាចផ្តោតលើបញ្ហាផ្សេងទៀត រួមទាំងការធ្វើឱ្យប្រក្រតីភាពនៃទំនាក់ទំនងអ៊ីស្រាអែល និងអារ៉ាប៊ីសាអូឌីត និងការកសាងសម្ព័ន្ធភាពក្នុងតំបន់ប្រឆាំងនឹងអ៊ីរ៉ង់ថែមទៀត៕
ដោយ៖ ពេជ្រ
