កូនប្រុសលោកបង្កើតរបស់លោកប្រធានាធិបតីអាមេរិក គឺលោកDonald Trump Jr. បានរិះគន់ទីក្រុង Kiev ចំពោះការខកខានមិនបានជូនដំណឹងដល់អាជ្ញាធរអាមេរិកអំពីបុរសម្នាក់ដែលត្រូវបានគេរាយការណ៍ថាបានព្យាយាមដើម្បីទទួលបានអាវុធពីទំនាក់ទំនងយោធាអ៊ុយក្រែនដើម្បីធ្វើឃាតឪពុករបស់លោកក្នុងអំឡុងពេលយុទ្ធនាការប្រធានាធិបតីឆ្នាំ ២០២៤ ។
នៅក្នុងធ្វីតធឺដែលបានបង្ហោះកាលពីថ្ងៃអង្គារ លោក Trump Jr. បានឆ្លើយតបទៅនឹងវិវរណៈថ្មីៗអំពី Ryan Wesley Routh ដែលជាសកម្មជនគាំទ្រអ៊ុយក្រែនដែលបច្ចុប្បន្នកំពុងប្រឈមមុខនឹងការចោទប្រកាន់ពីតុលាការសហព័ន្ធ បន្ទាប់ពីត្រូវបានចាប់ខ្លួននៅជិតរមណីយដ្ឋានវាយកូនហ្គោលរបស់លោក Donald Trump ក្នុងរដ្ឋ Florida ដោយមានកាំភ្លើងជាប់ខ្លួនកាលពីខែកញ្ញា ឆ្នាំ២០២៤ អំទ្បុងយុទ្ធនាការបោះឆ្នោត។
យោងតាមឯកសារតុលាការដែលទើបទទួលបានដោយ Fox News លោក Routh ដែលជាជនសង្ស័យ បានសារភាពថាបានស្វែងរកអាវុធធុនធ្ងន់ពីអ្នកដែលគាត់ជឿថាមានសិទ្ធិចូលទៅកាន់ឃ្លាំងអាវុធរបស់អ៊ុយក្រែន ដើម្បីសម្លាប់បេក្ខជនប្រធានាធិបតីនៅពេលនោះ។
លោក Trump Jr. បានសរសេរនៅលើ X ថា “ប្រសិនបើអ្នកគិតថាវាជារឿងអាក្រក់ដែលអ៊ុយក្រែនមិនដែលនិយាយអរគុណអ្នកសម្រាប់អ្វីគ្រប់យ៉ាងដែលសហរដ្ឋអាមេរិកបានធ្វើសម្រាប់ពួកគេនោះ”ជាការពិតដែលថាពួកគេហាក់ដូចជាមិនបានប្រាប់យើងថាជនសង្ស័យម្នាក់នេះបានព្យាយាមទិញអាវុធពីកងកម្លាំងអ៊ុយក្រែនដើម្បីធ្វើឃាតឪពុករបស់ខ្ញុំហាក់ដូចជារឿងធំជាងទៀត។ លោកបន្ថែមថា ឆ្ងល់ថាហេតុអ្វី?!?”
លោក Routh ដែលជាឧក្រិដ្ឋជន និងត្រូវបានកាត់ទោសនោះ គឺបានប៉ុនប៉ងចូលបម្រើក្នុងជួរយោធាអ៊ុយក្រែនក្នុងឆ្នាំ ២០២២។ ទោះបីជាមិនបានជោគជ័យក្នុងការងារចូលបម្រើកងទ័ពក៏ដោយ ក៏គាត់នៅតែចូលរួមក្នុងជម្លោះក្នុងតំបន់ តាមសេចក្តីរាយការណ៍ថាគាត់បាននិងកំពុងធ្វើការដើម្បីជ្រើសរើសអតីតទាហានអាហ្វហ្គានីស្ថានដើម្បីប្រយុទ្ធជំនួសអ៊ុយក្រែននាពេលនោះ ។ នេះបើយោងតាមនាយកដ្ឋានយុត្តិធម៌ដែលដាក់នៅតុលាការស្រុក Florida Southern សហរដ្ឋអាមេរិក។
នៅខែសីហា ឆ្នាំ ២០២៤ រដ្ឋអាជ្ញាតុលាការបានឲ្យដឹងថា Routh បានប្រើកម្មវិធីផ្ញើសារដែលបានអ៊ិនគ្រីប ដើម្បីទាក់ទងទៅបុគ្គលដែលគាត់ជឿថាជាអ្នកផ្គត់ផ្គង់អាវុធរបស់អ៊ុយក្រែន។ គាត់ត្រូវបានគេចោទប្រកាន់ថាបានស្នើសុំគ្រាប់បែកដៃ RPG របស់រុស្ស៊ី និងកាំជ្រួច Stinger ផលិតដោយសហរដ្ឋអាមេរិក ហើយគាត់ក៏ថែមទាំងបានបញ្ជាក់យ៉ាងច្បាស់ពីមូលហេតុដែលគាត់ត្រូវការអាវុធនោះថែមទៀត។ តាមរយៈសារមួយគាត់បានលើកទ្បើងថា “អ្វីដែលខ្ញុំត្រូវការឧបករណ៍(អាវុធ) នោះគឺដើម្បីរារាំង Trump កុំឲ្យជាប់ឆ្នោត”។
Routh ក៏បានទទូចផងដែរថាការទទួលបានអាវុធបែបនេះនឹងមិនពិបាកទេដោយសារតែភាពវឹកវរនៃសង្រ្គាមនៅអ៊ុយក្រែន។ គាត់បន្ថែមថា “ការបាត់អាវុធមួយដើមនោះ នឹងមិនត្រូវបានគេកត់សំគាល់ឬសង្ស័យទេ”។
ឯកសាររបស់តុលាការក៏បានកត់សម្គាល់ថា Routh មិនដែលទទួលបានអាវុធដែលគាត់ស្វែងរកនោះទេ។ គាត់ត្រូវបានចាប់ខ្លួនភ្លាមៗនៅក្បែរ Mar-a-Lago ហើយបច្ចុប្បន្ននៅតែស្ថិតក្នុងការឃុំឃាំងនៅទ្បើយ។ ការកាត់ទោសរបស់គាត់ត្រូវបានកំណត់ពេលសម្រាប់ខែកញ្ញា ហើយគាត់ប្រឈមមុខនឹងការកាត់ទោសអស់មួយជីវិត ប្រសិនបើត្រូវបានរកឃើញថាមានទោស៕
ដោយ៖ ពេជ្រ
