ក្រោយយកឈ្នះលើក្រុមម៉ាឡេស៊ី ២-០ នៅពានរង្វាន់ Asean Women’s Cup 2024 លោក ឃួន ឡាបូរ៉ាវី គ្រូបង្វឹកក្រុមជម្រើសជាតិនារីកម្ពុជា បាននិយាយថា«ខ្ញុំពិតជារីករាយណាស់ជាមួយទម្រង់លេងរបស់ក្រុមយើង។ យើងគ្រប់គ្រងបាល់ដោយទំនុកចិត្ត ហើយក៏បានបង្កើតឪកាសដ៏គួរឲ្យចាប់អារម្មណ៍មួយចំនួនផងដែរ។
លោកបានបន្តថា យើងបានព្យាយាមតាមបិទខ្លាំងលើដៃគូររបស់យើងនៅតំបន់ការពាររបស់គេ។ យើងបានធ្វើដូចគ្នានៅពេលដែលយើងហ្វឹកហាត់ ដូច្នេះក្នុងនាមជាគ្រូបង្វឹកខ្ញុំសប្បាយចិត្តណាស់។ ខ្ញុំពិតជាមានភាពភ្ញាក់ផ្អើលនៅពេលដែលពួកយើងការពារបានល្អ ហើយក៏រក្សាមិនឲ្យគេទាត់ចូលនៅពីរប្រកួតនេះ។ នៅពេលដែលពួកយើងបាត់បាល់ យើងព្យាយាមដណ្តើមបាល់ឲ្យបានឈ្នះវិញឲ្យលឿនតាមដែលអាចធ្វើបាន នេះគឺជាចំនុចសំខាន់៕»
