រដ្ឋមន្ត្រីក្រសួងព័ត៌មាន ឯកឧត្តម នេត្រ ភក្ត្រា បានអនុញ្ញាតឱ្យប្រតិភូទូរទស្សន៍ Seoul Broadcasting System (SBS) ដ៏ល្បីរបស់សាធារណរដ្ឋកូរ៉េ ដឹកនាំដោយលោក Yong Jae Kim នាយកប្រតិបត្តិ SBS Prism Studios និងក្រុមហ៊ុន ឋានន្តរ វរ្ម័ន ឌីជីថល ២១ ឯ.ក ចូលជួបសំដែងការគួរសម និងភាក្សាការងារ នាព្រឹកថ្ងៃទី០៤ ខែមេសា ឆ្នាំ២០២៥ នៅទីស្តីការក្រសួង ។
គោលបំណងនៃជំនួបពិភាក្សានោះ គឺដើម្បីស្វែងរកលទ្ធភាពផលិតកម្មវិធីបែបកម្សាន្តរួមគ្នា រវាងទូរទស្សន៍ជាតិកម្ពុជា (TVK) និងទូរទស្សន៍ SBS ដើម្បីបម្រើអារម្មណ៍ដល់ទស្សនិកជននៅក្នុងប្រទេសកម្ពុជា៕
