Manchester United បានវាយបកឈ្នះគូប្រជែង Bodo/Glimt នៅពានលំដាប់ទី២ អឺរ៉ុប UEFA Europa League 2024-2025 និងជាជ័យជម្នះលើកដំបូង ក្នុងចំណោម ២ប្រកួតស្ថិតក្រោមការបង្វឹករបស់អ្នកចាត់ការទូទៅថ្មី លោក Ruben Amorim។
បិសាចក្រហមបានវាយបកតាមពីក្រោយយកឈ្នះក្រុមមកពីន័រវេស Bodo/Glimt ដោយលទ្ធផល ៣-២ នៅកីឡដ្ឋាន Old Trafford កាលពិយប់មញ ក្នុងប្រកួតទី៥ ជើងទី២ ពានរង្វាន់អឺរ៉ុប ខណៈគ្រាប់ជ័យជម្នះរបស់ Man Utd រកបានដោយកីឡាករ Alejandro Garnacho ១គ្រាប់ និង Rasmus Hojlund ២គ្រាប់។
តាមរយៈ ៣ពិន្ទុដ៏សំខាន់ក្នុងដីនេះដែរ បានញាំងឱ្យ Man Utd ឡើងទៅកាន់លេខរៀងទី១២ ជាបណ្តោះអាសន្នវិញ ក្នុងចំណោម ៣៦ក្រុមរូបមន្តថ្មី និងនៅក្រៅតំបន់ Top-8 តែ ១ពិន្ទុប៉ុណ្ណោះ ដ្បិតនៅសល់ ៣ប្រកួតទៀត គ្រាដែល Bodo/Glimt ធ្លាក់ទៅលេខ១៧ និងមាន ៧ពិន្ទុប៉ុណ្ណោះ៕
