កងទ័ព រាយការណ៍ថា យន្តហោះគ្មានមនុស្សបើកយោធា បានបុកជាមួយឧទ្ធម្ភាគចក្រដែលចតចោលនៅមូលដ្ឋានទ័ពអាកាសមួយនៅភាគខាងជើងនៃទីក្រុងសេអ៊ូល នៅថ្ងៃចន្ទនេះ ប៉ុន្តែមិនមានរបាយការណ៍ថាមានអ្នកស្លាប់ និងរបួស នោះទេ។
យោងតាមប្រភពពីកងទ័ព បានឱ្យដឹងថា ការប៉ះទង្គិចគ្នា កើតឡើងនៅពេលដែលយន្តហោះគ្មានមនុស្សបើកកំពុងចុះចតនៅឯមូលដ្ឋានទ័ពអាកាសក្នុងទីក្រុង Yangju នៅម៉ោងប្រហែល ១ រសៀល ដោយបង្កឱ្យមានភ្លើងឆេះ។
ខណភ្លាមៗ អណ្តាតភ្លើង ត្រូវបានក្រុមអ្នកជួយសង្គ្រោះ ពន្លត់ ដោយប្រើរយៈពេលប្រហែល ២០ នាទី។
មន្ត្រីយោធាម្នាក់ បញ្ជាក់ថា មិនមាននរណាម្នាក់រងរបួសនោះទេ ប៉ុន្តែឧទ្ធម្ភាគចក្រ ត្រូវបានបំផ្លាញទាំងស្រុង ។
កងទ័ព បាននឹងកំពុងបើកការស៊ើបអង្កេតរកមូលហេតុពិតប្រាកដនៃឧបទ្ទវហេតុនេះ ៕
ដោយ៖ ពេជ្រ
