លោក Jim Risch សមាជិកព្រឹទ្ធសភាមកពីសាធារណរដ្ឋ Idaho និងជាប្រធានគណៈកម្មាធិការទំនាក់ទំនងបរទេសព្រឹទ្ធសភាអាមេរិក បានប្រាប់ឲ្យដឹងថា ទីក្រុងវ៉ាស៊ីនតោន គ្មានចេតនាផ្លាស់ប្តូរស្ថាបត្យកម្មសន្តិសុខទាំងមូលនៅក្នុងទ្វីបអឺរ៉ុប ធ្វើជាផ្នែកនៃកិច្ចខិតខំប្រឹងប្រែង ដើម្បីដោះស្រាយជម្លោះនៅអ៊ុយក្រែននោះទេ ។
លោក បានលើកឡើងបែបនេះ ដោយថាមិនចាំបាច់មានស្ថាបត្យកម្មសន្តិសុខថ្មីទេ។ រចនាសម្ព័ន្ធបច្ចុប្បន្នត្រូវបានបង្កើតឡើងបន្ទាប់ពីសង្គ្រាមលោកលើកទី ២ ហើយវាមានសភាពល្អប្រសើរគ្រប់គ្រាន់។
លោក Risch បានសង្កត់ធ្ងន់ថា NATO ដើរតួនាទីយ៉ាងសំខាន់ក្នុងការបង្កើតប្រព័ន្ធសន្តិសុខនៅអឺរ៉ុប។ ទោះយ៉ាងណាក៏ដោយគ្មាននរណាម្នាក់ល្ងង់មកកែប្រែវានោះទេ។
លោក បន្តថា រដ្ឋបាលរបស់លោកប្រធានាធិបតីអាមេរិក Donald Trump មានគម្រោងបញ្ចប់ជម្លោះនៅអ៊ុយក្រែនតាមរយៈការទូត។
តាមទស្សនៈរបស់លោក បានកត់សម្គាល់ថា ក្រុងវ៉ាស៊ីនតោន នឹងយកជំហររបស់ប្រទេសអឺរ៉ុបមកពិចារណាក្នុងអំឡុងពេលចរចាជាមួយរុស្ស៊ី ៕
ដោយ៖ ពេជ្រ
