អតីតកីឡាករខ្សែប្រយុទ្ធក្លិប FC Nuremberg កីឡាករកូនខ្មែរ Chhunly Pagenburg សព្វថ្ងៃនេះកំពុងកាន់កាប់តំណែងអនុប្រធានក្រុមប្រឹក្សាភិបាលក្លិប 1.FC Nuremberg របស់អាល្លឺម៉ង់ ក្នុងវ័យ៣៨ឆ្នាំ ខណៈក្លិបមួយនេះសព្វថ្ងៃកំពុងលេងនៅលីគលំដាប់ទី ២ អាល្លឺម៉ង់។
គួរបញ្ជាក់ផងដែរថាកីឡាករ Chhunly Pagenburg គឺធ្លាប់មកលេងឱ្យក្រុមជម្រើសជាតិកម្ពុជា ក្នុងឆ្នាំ ២០១៣ ហើយកីឡាកររូបនេះធ្លាប់ជួយឱ្យក្លិប 1,FC Nuremberg ឈ្នះជើងឯកពានរង្វាន់ DFB-Pokal ក្នុងឆ្នាំ២០០៦ ហើយសរុបការលេងទាំងអស់ជាមួយក្រុមផ្សេងៗ គឺបានចំនួន ១៨៣ប្រកួត ទាត់បាល់បញ្ចូលទី ៦០គ្រាប់ មុនសម្រេចចិត្តចូលនិវត្តន៍ពីអាជីពបាល់ទាត់ត្រឹមវ័យ ២៨ឆ្នាំទាំងបង្ខំចិត្តដោយសារតែបញ្ហារបួសញាំញីខ្លាំងក្នុងឆ្នាំ២០១៤៕(ប្រភពពី៖ Cam-Sport Official)
