ក្រុមឧទ្ទាមមកពីចលនា (M23) ឬថ្ងៃទី ២៣ ខែមីនា និងអង្គភាពកងទ័ពនៃប្រទេស Rwandan ដែលគាំទ្រពួកគេ ស្ថិតនៅចម្ងាយត្រឹមតែ ៦០ គីឡូម៉ែត្រពីទីក្រុង Bukavu រដ្ឋធានីនៃខេត្ត Kivu ខាងត្បូងនៃសាធារណរដ្ឋប្រជាធិបតេយ្យកុងហ្គោ ដែលបង្កឱ្យមានការព្រួយបារម្ភអំពីជម្លោះកាន់តែរីកធំឡើង។ នេះបើតាមការរាយការណ៍របស់ទីភ្នាក់ងារសារព័ត៌មាន France Presse ដោយដកស្រង់សម្តីរបស់អគ្គលេខាធិការរងអង្គការសហប្រជាជាតិទទួលបន្ទុកប្រតិបត្តិការសន្តិភាព លោក Jean-Pierre Lacroix ។
យោងតាម លោក Lacroix បានឲ្យដឹងថា កងកម្លាំង M23 និងកងទ័ព Rwandan កំពុងវាយលុកក្នុងល្បឿនលឿន ដោយអង្គការសហប្រជាជាតិ កំពុងមានការព្រួយបារម្ភមិនត្រឹមតែអំពីស្ថានភាពនៅភាគខាងកើតនៃសាធារណរដ្ឋប្រជាធិបតេយ្យកុងហ្គោ ប៉ុណ្ណោះទេ ប៉ុន្តែថែមទាំងអំពីលទ្ធភាពនៃជម្លោះក្នុងតំបន់កាន់តែទូលំទូលាយផងដែរ។
លោក បានសង្កត់ធ្ងន់ថា នេះហើយជាមូលហេតុដែលវាមានសារៈសំខាន់ក្នុងការខិតខំប្រឹងប្រែងផ្នែកការទូតទាំងអស់ ដើម្បីទប់ស្កាត់នូវសេណារីយ៉ូបែបនេះ និងបញ្ឈប់សកម្មភាពយោធា។
ក្រុមឧទ្ទាម បានរុលឆ្ពោះទៅកាន់ទីក្រុង Bukavu កាលពី ២ ថ្ងៃមុន បន្ទាប់ពីអង្គភាពពួកគេ ដកខ្លួនចេញពីតំបន់ Minova ក្នុងខេត្ត South Kivu ដែលពួកគេធ្លាប់កាន់កាប់ពីមុនមក។
គួរបញ្ជាក់ថា Bukavu ជាទីក្រុងដែលមានប្រជាជនជាងមួយលាននាក់ មានទីតាំងនៅឆ្នេរសមុទ្រភាគខាងត្បូងនៃបឹង Kivu ។ ច្រាំងខាងកើតនៃបឹង គឺជាផ្នែកមួយនៃប្រទេស Rwanda ។ អង្គភាពនៃចលនា M23 បានដណ្តើមយកទីក្រុង Goma ដែលជារដ្ឋធានីរបស់កុងហ្គោ ៕
ដោយ៖ ពេជ្រ
