កីឡា៖ គ្រូបង្វឹកក្រុមជម្រើសជាតិនារីកម្ពុជា លោក ឃួន ឡាបូរ៉ាវី ថាក្រុមរបស់លោកមានពេលតែ១០ ថ្ងៃប៉ុណ្ណោះ ក្នុងការរៀបចំក្រុម សម្រាប់ការប្រកួតពានរង្វាន់ AFF Women’s Cup 2024។ លោកបន្តទៀតថា៖ ពួកយើងមកទីនេះ គឺដើម្បីឈ្នះ ពីព្រោះក្រុមផ្សេងៗនៅក្នុងការប្រកួតខាងលើនេះគឺមានកម្រិតប្រហាក់ប្រហែលគ្នា។
សម្រាប់ការប្រកួតពានរង្វាន់ AFF Women’s Cup 2024 នឹងចាប់ផ្តើមលេងពីថ្ងៃទី២៣ ខែវិច្ឆិកា ដល់ថ្ងៃទី០៥ ខែធ្នូ ឆ្នាំ២០២៤ នៅប្រទេសឡាវ ខាងមុខនេះដោយក្រុមនារីកម្ពុជា ស្ថិតនៅពូល B ជាមួយឥណ្ឌូនេស៊ី និងម៉ាឡេស៊ី។ចំណែកការប្រកួតបើកឆាកថ្ងៃទី២៣ ខែវិច្ឆិកា ឥណ្ឌូណេស៊ី ប៉ះ កម្ពុជា និងថ្ងៃទី២៩ ខែវិច្ឆិកា កម្ពុជា ប៉ះ ម៉ាឡេស៊ី វេលាម៉ោង ៣:០០រសៀលដូចគ្នា៕
