នាយកប្រតិបត្តិអង្គការយូនីសេហ្វ លោកស្រី Catherine Russell បានសម្តែងការព្រួយបារម្ភកាលពីអំពីការសម្លាប់កុមារនៅក្នុង Gaza Strip ជាបន្តបន្ទាប់។
លោកស្រី Russell បានសរសេរនៅលើ X បន្ទាប់ពីការវាយប្រហារតាមអាកាសលើតង់ក្នុងរង្វង់ដែលឡោមព័ទ្ធត្រូវបានគេរាយការណ៍ថាបានសម្លាប់កុមារចំនួន ១៥ នាក់រួមទាំងកុមារពិការម្នាក់ដែលត្រូវបានដុតសម្លាប់ថែមទៀត នៃរយៈពេល២៤ម៉ោងចុងក្រោយ។
លោកស្រីបានបន្តថា រូបភាពកុមារដែលកំពុងឆេះ ខណៈកំពុងជ្រកក្នុងតង់បណ្ដោះអាសន្ននោះគឺជារូបភាពនៃសោកនាដកម្មគួរតែអង្រួនបេះដូងយើងទាំងអស់គ្នា។
លោកស្រីបាននិយាយថា កុមារជិត ៦០០ នាក់នៅក្នុងតំបន់ហ្គាហ្សាត្រូវបានគេរាយការណ៍ថាបានស្លាប់ និងជាង ១៦០០ នាក់បានរងរបួសចាប់តាំងពីបទឈប់បាញ់ត្រូវបានបំបែកកាលពីថ្ងៃទី ១៨ ខែមីនាឆ្នាំ២០២៥។
លោកស្រី Russell បានសង្កត់ធ្ងន់ថា គ្រប់ភាគីនៃជម្លោះនេះត្រូវតែគោរពច្បាប់មនុស្សធម៌អន្តរជាតិ។ ការពារជនស៊ីវិល និងការសម្របសម្រួលជំនួយ រួមទាំងការដោះលែងចំណាប់ខ្មាំង និងបន្តបទឈប់បាញ់។
សូមជម្រាបថា ជនជាតិប៉ាឡេស្ទីនជាង ៥១,០០០ នាក់ត្រូវបានសម្លាប់នៅហ្គាហ្សានៅក្នុងការវាយលុកដ៏ឃោរឃៅរបស់អ៊ីស្រាអែលចាប់តាំងពីខែតុលា ឆ្នាំ ២០២៣ ដែលភាគច្រើនជាស្ត្រី និងកុមារ។
តុលាការឧក្រិដ្ឋកម្មអន្តរជាតិបានចេញដីកាចាប់ខ្លួនកាលពីខែវិច្ឆិកាឆ្នាំមុនសម្រាប់នាយករដ្ឋមន្ត្រីអ៊ីស្រាអែល Benjamin Netanyahu និងអតីតរដ្ឋមន្ត្រីការពារជាតិរបស់គាត់ Yoav Gallant ពីបទឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិនៅក្នុងតំបន់ហ្គាហ្សា។
អ៊ីស្រាអែលក៏ប្រឈមមុខនឹងសំណុំរឿងប្រល័យពូជសាសន៍នៅតុលាការយុត្តិធម៌អន្តរជាតិសម្រាប់សង្រ្គាមនៅក្នុងតំបន់ព័ទ្ធជុំវិញ៕
ដោយ៖ ពេជ្រ
