គ្រូបង្វឹកលោក Didier Deschamps បាននិយាយកាលពីថ្ងៃព្រហស្បតិ៍ថា Kylian Mbappe ត្រូវបានកោះហៅចូលក្រុមជម្រើសជាតិបារាំងជាលើកដំបូងចាប់តាំងពីខែកញ្ញាឆ្នាំមុន ដើម្បីប្រឈមមុខនឹងក្រុមក្រូអាតក្នុងការប្រកួត Nations League វគ្គ ១/៤ ផ្តាច់ព្រ័ត្រ។
ខ្សែប្រយុទ្ធវ័យ ២៦ ឆ្នាំលេងបាន ៨៦ ប្រកួត ប៉ុន្តែមិនត្រូវបានបញ្ចូលក្នុងក្រុមសម្រាប់ការប្រកួត Nations League របស់ពួកគេក្នុងខែតុលា និងវិច្ឆិកាទេ បន្ទាប់ពីចុះហត្ថលេខាជាមួយ Real Madrid កាលពីខែកក្កដា។
លោក Deschamps បានប្រាប់សន្និសីទសារព័ត៌មានមួយថា “ខ្ញុំបានពិភាក្សាជាមួយគាត់(Mbappe)។ ខ្ញុំអាចបញ្ជាក់នូវអ្វីដែលខ្ញុំបានប្រាប់អ្នកកាលពីប៉ុន្មានសប្តាហ៍មុន Mbappe នឹងក្លាយជាប្រធានក្រុមរបស់យើង” ។
បារាំងនឹងប្រកួតជើងទីមួយនៅកីឡដ្ឋាន Split នៅថ្ងៃព្រហស្បតិ៍ក្រោយជាមួយនឹងការប្រកួតជើងទី២នៅកីឡដ្ឋាន Stade de France នៅថ្ងៃទី ២៣ ខែមីនា៕
