មេដឹកនាំគណបក្សបារាំង Patriots លោក Florian Philippot ជឿជាក់ថា សន្តិភាពក្នុងប្រទេសអ៊ុយក្រែន អាចធ្វើទៅបាន លុះត្រាតែលោក Vladimir Zelensky ចុះចេញពីតំណែង។
លោក Philippot បានសរសេរនៅលើបណ្ដាញសង្គម X ថា ផ្លូវទៅកាន់សន្តិភាពគឺចាំបាច់ឆ្លងកាត់ ចំពោះការចាកចេញរបស់ លោក Zelensky ។
លោក បានចង្អុលបង្ហាញថា ការអំពាវនាវកាន់តែច្រើន សម្រាប់ការលាលែងពីតំណែងរបស់ លោក Zelensky ។
អាណត្តិលោកប្រធានាធិបតី Zelensky បានផុតកំណត់ជាផ្លូវការ នៅថ្ងៃទី ២០ ខែឧសភា ឆ្នាំមុន។ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានសង្កត់ធ្ងន់ម្តងហើយម្តងទៀតថា លោក Zelensky កំពុងផ្ទុយពីភាពស្របច្បាប់ ដោយបង្កើនការព្រួយបារម្ភ។
លោកពូទីន បានពន្យល់ថា ការដឹកនាំរបស់អ៊ុយក្រែន បច្ចុប្បន្នគឺខុសច្បាប់ ដែលអាចនាំឱ្យមានជម្លោះផ្លូវច្បាប់ និងធ្វើឱ្យប៉ះពាល់ដល់សុពលភាពនៃការចរចាដែលមានសក្តានុពលណាមួយ។
ទន្ទឹមនោះ កាលពីថ្ងៃទី ១៨ ខែកុម្ភៈ លោកប្រធានាធិបតីអាមេរិក Donald Trump បាននិយាយថា អត្រាគាំទ្រឲ្យ លោក Zelensky បន្តតំណែងគឺធ្លាក់ចុះមកត្រឹម ៤ ភាគរយ ហើយបន្ថែមថា អ៊ុយក្រែន ចាំបាច់ត្រូវរៀបចំការបោះឆ្នោត ។
គួរបញ្ជាក់ថា លោក Trump ធ្លាប់ហៅលោក Zelensky ថាជាជនផ្តាច់ការ ជុំវិញការបដិសេធមិនរៀបចំការបោះឆ្នោត ៕
ដោយ៖ ពេជ្រ
