គ្រូបង្វឹកក្រុមព្រះខ័នរាជស្វាយរៀងលោក Pep Muñoz និយាយពីការលេងនៅពហុកីឡដ្ឋានជាតិមរតកតេជោសម្រាប់ការប្រកួតពានរង្វាន់ AFC Challenge League វគ្គ៨ក្រុមចុងក្រោយទល់នឹងក្រុម Shan United នាថ្ងៃទី៦ ខែមីនា ឆ្នាំ២០២៥ខាងមុខនេះ។
តាមរយៈសារព័ត៌មាន Cambodianess លោក Muñoz បាននិយាយថា៖ «វាជាឱកាសដ៏អស្ចារ្យសម្រាប់ក្លឹបដើម្បីបង្ហាញពីអ្វីដែលយើងបានកសាងឡើងក្នុងរយៈពេលពីររដូវកាលចុងក្រោយនេះ»។ យើងមានមហិច្ឆតា ហើយយើងចង់បង្ហាញខ្លួនឲ្យខ្លាំងនៅកម្ពុជា មុននឹងចេញទៅមីយ៉ាន់ម៉ា»។
ទោះបីជាមានការរំភើបក៏ដោយ គ្រូបង្វឹករូបនេះបានសម្តែងការខកចិត្តចំពោះការរឹតបន្តឹងរបស់អ្នកគ្រប់គ្រងកីឡដ្ឋានលើការហ្វឹកហាត់នៅទីលានប្រកួត។
លោកបានថ្លែងថា៖ «ការលំបាកតែមួយរបស់យើងគឺថាយើងមិនត្រូវបានអនុញ្ញាតឱ្យហ្វឹកហាត់នៅទីនោះក្រៅពីការហ្វឹកហាត់ផ្លូវការមុនប្រកួតនោះទេ»។ «វាមិនផ្តល់ប្រយោជន៍ដល់យើងទេ ហើយនិយាយឱ្យត្រង់ទៅ ខ្ញុំមិនយល់ពីហេតុផលនៅពីក្រោយដែរ»៕
