ប្រព័ន្ធផ្សព្វផ្សាយហ្គាហ្សា បានផ្សាយថា ទារកបួននាក់ដែលរស់នៅក្នុងតង់បានស្លាប់ដោយសារជំងឺផ្តាសាយខ្លាំងនៅចន្លោះពីថ្ងៃចន្ទដល់ថ្ងៃអង្គារខណកុមារទាំងនោះមានអាយុប្រហែលពីរខែប៉ុណ្ណោះ។
ការសាងងសង់លំនៅដ្ឋានបណ្តោះអាសន្នបានជាប់គាំងនៅហ្គាហ្សា ដោយបង្ខំមនុស្សជាច្រើនឱ្យស្វែងរកទីជំរកនៅក្នុងតង់ ខណដែលបទឈប់បាញ់រយៈពេលប្រាំមួយសប្តាហ៍រវាងអ៊ីស្រាអែល និងក្រុមហាម៉ាស់ដែលបានចូលជាធរមាននៅថ្ងៃទី ១៩ ខែមករា គ្រោងនឹងផុតកំណត់នៅថ្ងៃទី ១ ខែមីនា ខាងមុខនេះ។ ប៉ុន្តែការពិភាក្សាលើដំណាក់កាលទីពីរ រួមទាំងការបញ្ចប់ជាអចិន្ត្រៃយ៍ចំពោះការប្រយុទ្ធគ្នាត្រូវបានគេរាយការណ៍ថាមានការរីកចម្រើនតិចតួច។
កម្មវិធីស្បៀងអាហារពិភពលោកបានបង្ហាញនៅក្នុងសេចក្តីថ្លែងការណ៍មួយកាលពីថ្ងៃចន្ទថា អរគុណចំពោះបទឈប់បាញ់ ទីភ្នាក់ងារអង្គការសហប្រជាជាតិអាចផ្គត់ផ្គង់មនុស្សបានប្រមាណមួយលាននាក់ជាមួយនឹង កម្រិតត្រឹមត្រូវនៃក្បាលដីសម្រាប់ស្នាក់នៅ។ ប៉ុន្តែ WFP ក៏បានផ្សាយផងដែរថា ស្ថានភាពនៅតែ “ធ្ងន់ធ្ងរ ហើយថាលំហូរនៃជំនួយត្រូវតែមាននិរន្តរភាព។
បេសកជនពិសេសអាមេរិកប្រចាំតំបន់មជ្ឈិមបូព៌ា ត្រូវបានគេរំពឹងថានឹងមកដល់ក្នុងតំបន់ហ្គាហ្សានៅថ្ងៃពុធ ហើយគ្រប់គ្នាកំពុងសម្លឹងមើលឃើញថា តើកិច្ចពិភាក្សាសម្រាប់ដំណាក់កាលទីពីរសម្រាប់បទឈប់បាញ់នឹងមានការរីកចម្រើនឬយ៉ាងណា៕
ដោយ៖ ពេជ្រ
