នៅសល់តែ៣ថ្ងៃទៀតប៉ុណ្ណោះ ក្រុមតំណាងកម្ពុជា ព្រះខ័នរាជស្វាយរៀង នឹងធ្វើការប្រកួតតទល់នឹងក្រុមម្ចាស់ផ្ទះ Lion City របស់សឹង្ហបុរី ក្នុងពានរង្វាន់ ASEAN Club Championship Shopee Cup 2025/2026 (Group B) ថ្ងៃព្រហស្បតិ៍ ទី០៥ ខែកុម្ភៈ ឆ្នាំ២០២៦ | កីឡដ្ឋាន Bishan Stadium, Singapore | ម៉ោង ៧:៣០ ល្ងាច (ម៉ោងនៅកម្ពុជា)។
ក្នុងជំនួបនេះព្រះខ័នរាជស្វាយរៀង ត្រូវការឈ្នះដាច់ខាតដើម្បីអាចប្រជែងកៅអី វគ្គ៤ក្រុមចុងក្រោយនៃពានរង្វាន់ខាងលើ ត្បិតអីក្រុម Lion City អស់ឱកាសទៅវគ្គបន្តហើយ។
គិតត្រឹមពេលនេះក្លឹប Nan Dinh ទទួលបានកៅអីវគ្គ៤ក្រុមចុងក្រោយរួចហើយ ទោះបីជាសល់មួយប្រកួតទៀតក៏ដោយ ដោយឈរកំពូលតារាងពូល B ដោយមាន១២ពិន្ទុ ក្រោយឆ្លងកាត់៤ប្រកួត ខណៈក្រុម JOHOR ឈរលេខ២ មាន១០ពិន្ទុ។ ដូច្នេះឱកាសដែលក្លឹបព្រះខ័នរាជស្វាយរៀងនៅសល់គឺត្រូវការឈ្នះទាំង២ប្រកួតដែលនៅសល់ពោលជាមួយ Lion City និង Bangkok United ហើយត្រូវរកគ្រាប់ឱ្យបានច្រើនគ្រាប់ ហើយតម្រូវឱ្យក្លឹប JOHOR ប្រកួតចាញ់ក្លឹប Nan Dinh 🇻🇳 ដោយរបូតគ្រាប់បាល់ច្រើន ទើបក្លឹបព្រះខ័នរាជស្វាយរៀង មានឱកាសឡើង៕
