ក្រុមកីឡាករគុនចម្រុះកម្ពុជា រួមមានកីឡាករ រិន សារ័ត្ន គោរមៈ ច័ន្ទរាជ្យ ដែលយកឈ្នះដៃគូប្រកួតដណ្ដើមបានខ្សែក្រវាត់ចំនួន ២គ្រឿងជូនកម្ពុជា និងការបង្ហាញទង់ជាតិខ្មែរ ភាពរីករាយជូនប្រជាពលរដ្ឋខ្មែរ អ្នកគាំទ្រកាលពីយប់មិញនេះ។
ជ័យជម្នះខ្សែក្រវាត់ ២គ្រឿងកាលពីយប់ថ្ងៃទី២៧ ខែធ្នូ ឆ្នាំ២០២៥ បានធ្វើឲ្យអ្នកគាំទ្រកម្ពុជាពិសេសក្នុងមជ្ឈដ្ឋានប្រដាល់មានភាពសប្បាយរីករាយ និងបានលើកមកនិយាយ ស៊ែចែករំលែកច្រើនក្នុងជំនួបដ៏ធំនៅឯប្រទេសវៀតណាមនេះ។
យ៉ាងណាមិញក្រោយឈ្នះខ្សែក្រវាត់ GMA ចំនួន ២ខ្សែនេះ ក៏បានផ្ញើជូនបងៗវីរកងទ័ពដែលហត់នឿយនិងបានពលីក្នុងរយៈពេល ២០ថ្ងៃការពារទឹកដីពីសត្រូវឈ្លានពាន និងសូមរីករាយនូវជ័យជម្នះមួយនេះបងប្អូនប្រជាពរដ្ឋខ្មែរទាំងអស់ និងអរគុណចំពោះក្រុមគុនចម្រុះកម្ពុជា មានលោក ហ៊ុន ច័ន្ទរាជ្យ កីឡាករ រិន សារ័ត្ន គោរមៈ ច័ន្ទរាជ្យ អធិជ័យ ច័ន្ទរាជ្យ រួមទាំងក្រុមការងារ Cambodian Top Team ផង
