តម្លៃប្រេង បានហក់ឡើងនៅថ្ងៃចន្ទនេះ បន្ទាប់ពីការធ្លាក់ចុះ ៤ភាគរយ កាលពីសប្តាហ៍មុន ខណៈដែលការព្រួយបារម្ភអំពីការរំខានដែលអាចកើតមានពីភាពតានតឹងរវាងសហរដ្ឋអាមេរិក និងវេណេស៊ុយអេឡាកាន់តែកើនឡើង លើសពីការព្រួយបារម្ភអំពីការផ្គត់ផ្គង់លើសកម្រិត និងផលប៉ះពាល់នៃកិច្ចព្រមព្រៀងសន្តិភាពរុស្ស៊ី-អ៊ុយក្រែនដែលអាចកើតមាន។
ប្រេងឆៅ Brent បានកើនឡើង ២៥ សេន ឬ ០,៤ ភាគរយ ស្មើនឹង ៦១,៣៧ ដុល្លារក្នុងមួយបារ៉ែល ខណៈប្រេងឆៅ West Texas Intermediate របស់សហរដ្ឋអាមេរិក កើនឡើង ២៣ សេន ឬ ០,៤ ភាគរយ ស្មើនឹង ៥៧,៦៧ ដុល្លារក្នុងមួយបារ៉ែល៕
ដោយ៖ ពេជ្រ
